प्रधानसेनापति शर्मा र बेलायती उपराज्यमन्त्री मुरिसनबीच भेटवार्ता
काठमाडौँ — प्रधानसेनापति प्रभुराम शर्मा र नेपाल भ्रमणमा रहेका बेलायतका रक्षाका उपराज्यमन्त्री एन्ड्रर्यू मुरिसनबीच भेटवार्ताबीच बुधबार सैनिक मुख्यालय जंगीअड्डामा शिष्टाचार भेटवार्ता भएको छ ।
प्रधानसेनापतिको कार्यकक्षमा भएको भेटघाटमा दुई पक्षीय हित तथा पारस्परिक सम्बन्धका विषयमा छलफल भएको नेपाली सेनाले जनाएको छ । ‘यस किसिमको भेटघाटले दुई देशबीच रहिआएको सम्बन्ध थप सुमधुर एवं प्रगाढ बनाउन मद्दत पुग्ने विश्वास नेपाली सेनाले लिएको छ,’ सेनाद्वारा जारी विज्ञप्तिमा उल्लेख छ ।
प्रकाशित : माघ २५, २०७९ २१:०६