अन्तर्राष्ट्रिय वायु सेवाहरुको संस्था एओसीएन अध्यक्षमा श्रेष्ठ
काठमाडौँ — नेपालमा अन्तर्राष्ट्रिय उडान गर्नेमध्येका २७ वटा वायुसेवाहरुको व्यवसायिक संगठन ‘एयरलायन्स अपरेटर्स कमिटी नेपाल(एओसीएन)’ को अध्यक्षमा अबित श्रेष्ठ चुनिएका छन् । उनी क्याथे प्यासेफिक एयरवेजका लागि काठमाडौं विमानस्थल प्रमुख हुन् ।
हालै चितवनमा सम्पन्न वार्षिक साधारणसभाले उपाध्यक्षमा कतार एयरवेजका विमानस्थल प्रवन्धक अर्पण दवाडी, महासचिवमा फ्लाई दुबईका नरनारायण पकवान, कोषाध्यक्षमा कोरियन एयरका निमित्त विमानस्थल प्रवन्धक कमलजंग तिवारीलाई चुनेको छ ।
त्यसैगरी सदस्यमा टर्किस एयरकी प्रवन्धक रेसु सिंह, इन्डिगोका प्रवन्धक धर्मेन्द्र शर्मा, हिमालय एयरलायन्सका विमानस्थल प्रमुख सुशिल बस्नेत, नेपाल वायुसेवा निगमका प्रवन्धक मुकेशमान प्रधान, ड्रयुक एयरका उपप्रवन्धक सुमानमान श्रेष्ठ, कुबेत एयरवेजका प्रवन्धक रुपेश कुमार झा र एयर चाइनाका संदीप पराजुली चुनिएका छन् । एओसीएनमा पदाधिकारीहरुको कार्यकाल दुई वर्षको हुन्छ ।
प्रकाशित : माघ २५, २०७९ १७:५२