राष्ट्रिय सभाको उपाध्यक्षमा उम्मेदवार तय गर्न कांग्रेसका शीर्ष नेताहरु छलफलमा

धुम्बाराहीस्थित पार्टी सभापति देउवा निवासमा जारी बैठकमा उपसभापति पूर्णबहादुर खड्का, नेताहरु रामचन्द्र पौडेल, शेखर कोइराला, मुख्य सचेतक रमेश लेखक लगायतका नेताहरु छलफलमा रहेको राष्ट्रिय सभा संसदीय दल नेपाली कांग्रेसका नेता रमेशजंग रायमाझीले बताए । बैठकले राष्ट्रिय सभाको उपाध्यक्षको उम्मेदवार टुंगो लगाउने उनले बताए ।

राष्ट्रिय सभाको उपाध्यक्षमा उम्मेदवारी दिने निर्णयपछि कांग्रेसले नेकपा एकीकृत समाजवादी र लोसपासँग समन्वय र परामर्श गरेको छ ।

राष्ट्रिय सभाकी उपाध्यक्ष शशीकला दाहालको गत वर्ष फागुन २१ मा कार्यकाल सकिएपछि त्यसयता उपाध्यक्षको निर्वाचन भएको छैन । राष्ट्रिय सभाले २३ माघमा उपाध्यक्षको निर्वाचन गर्ने कार्यतालिका तोकेको छ । त्यसका लागि आज उम्मेदवारी मनोनयनको कार्यक्रम छ ।