१७.१२°C काठमाडौं
काठमाडौंमा वायुको गुणस्तर: १५८

निर्माण व्यवसायीका कारण पूर्वाधार निर्माणमा ढिलाइ : मेयर पाण्डे

काठमाडौँ — निर्माण व्यवसायीका कारण पूर्वाधार निर्माणमा ढिलासुस्ती भएको बुटवल उपमहानगरपालिकाका मेयर खेलराज पाण्डेले बताएका छन् ।

निर्माण व्यवसायीका कारण पूर्वाधार निर्माणमा ढिलाइ : मेयर पाण्डे

कान्तिपुर मिडिया ग्रुपले आयोजना गरेको लुम्बिनीको सामर्थ्य कार्यक्रमको दोश्रो सत्र 'पालिका र पूर्वाधार' कार्यक्रममा बोल्दै मेयर पाण्डेले ठेक्का भइसकेका आयोजनामा पनि निर्माण व्यवसायीकै कारण पूरा हुन नसकेको बताए ।

‘सुनौली–चिडियाखोला सडक ६ लेनको बनाउन थालेको भएपनि निर्माण व्यवसायीका कारण निर्माणमा ढिलासुस्ती भएको छ, बुटवल–नारायणढ सडकको अवस्था उस्तै छ, असारमा सकिनुपर्ने काम अहिलेसम्म अधुरै छ,’ उनले भने, ‘बुटवलमा बनिरहका दुई वटा केबलकारको काम समयमै सकिने देखिएको छ ।’

केबलकारले भारतका धेरै क्षेत्रका पर्यटकलाई चुरे पहाडसँग जोड्ने उनको बुझाइ छ । दुई वटा केबलकार यो वर्ष पूरा हुने उनले सुनाए । देशले गर्भ गर्ने मोतिपुर औद्योगिक क्षेत्रको काम भने अझै हुन सकेको छैन । ‘८१३ बिघाभित्र मोतिपुर औद्योगिक क्षेत्र बन्ने भन्ने थियो, स्थानीयहरुको २५० बिघा जग्गा परेकाकारण बुटवल उपमहानगरपालिका र बालाजु औद्योगिक क्षेत्र मिलेर यसको पुन: नापी गरिएको छ,’ उनले भने, ‘यो टुंगिने क्रममा छ , ५ सय बिघाको सेरोफेरोमा नयाँ औद्योगिक क्षेत्र बनाउने काम अगाडि बढाउँदै छौं ।’

त्यस्तै बुटवलबाट हिन्दुधार्मिक पर्यटन यात्रा मुक्तिनाथसम्म र बुद्ध धार्मिक पर्यटन केरला नाकादेखि लुम्बिनीसम्म गर्न सकिने उनको भनाइ छ । ‘सुनौलीदेखि केरला नाकासम्म एउटै सडक हुँदै बुटवलको नाकाबाट दुई वटा हिन्दु र बुद्धिस्टको धार्मिक यात्रा गर्न सकिने छ,’ उनले भने, ‘भारत र चीन जोड्ने व्यपारि नाकालाई समृद्ध बुटवलसँग जोडेका छौं ।’ अन्तराष्ट्रिय विमानस्थल र सिक्सलेन सडक यसका आधार हुन् । उनका अनुसार बुटवल उत्तर–दक्षिणको व्यापारिक नाका पनि हो । त्यस्तै पूर्वपश्चिमको संगमस्थल रहेकाले बुटवलको महत्त्वलाई फरक ढंगले हेर्नु पर्ने उनको सुझाव छ ।

विकास निर्माणमा सार्वजनिक निजी साझेदारी (पीपीपी) मोडलमा एउटा बुटवल एउटा मोडल रहेको उनको दाबी छ । ‘अहिले पनि धेरै जस्तो निर्माणमा ६०–४० मा छौं, जन ताको सहभागिता ६० प्रतिशत छ, स्थानीय तहको ४० प्रतिशत छ,’ उनले भने, ‘हाम्रो बजेटको सिलिङ हेर्नुस् र बुटवलको निर्माण हेर्नुस्, बजेटको सिलिङ भन्दा तीन दोब्बर बढी यहाँ विकास निर्माण भइरहेको छ ।’

प्रकाशित : माघ २१, २०७९ १३:३२
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?