काठमाडौँ — प्रधानमन्त्री पुष्पकमल दाहाल र नेकपा एमाले अध्यक्ष केपी शर्मा ओलीबीच प्रधानमन्त्री निवास बालुवाटारमा भेटवार्ता भएको छ । शनिबार बिहान भएको भेटमा नेपालको वर्तमान राजनीतिक अवस्थाबारे छलफल भएको बताइएको छ ।
राष्ट्रपति र उपराष्ट्रपतिको निर्वाचन नजिकिँदै गर्दा दुवैबीच भेट भएको हो ।
काठमाडौँ — परराष्ट्रमन्त्री बिमला राई पौड्यालले श्रीलंकाका प्रधानमन्त्री दिनेश गुणवर्धनेसँग शिष्टाचार भेट गरेकी छन् । श्रीलंकाको ७५औं स्वतन्त्रता दिवसका अवसरमा सहभागी हुन काेलम्बाेमा गरेकी मन्त्री पौड्यालले शुक्रबार बेलुकी प्रधानमन्त्री गुणवर्धनेसँग भेटवार्ता गरेकी हुन् ।
भेटवार्तामा उनीहरूले दुई देशबीचको आपसी सबन्ध र सहकार्यका विषयमा छलफल गरेकाे परराष्ट्रमन्त्रीकाे सचिवालयले जनाएको छ ।
श्रीलंकाका प्रधानमन्त्री गुणबर्धनेले नेपाल र श्रीलंकाबीच पुरानो मित्रता रहेकाले आपसमा सहकार्य गरी अघि बढ्ने प्रतिबद्धता जनाए । प्रधानमन्त्रीसँगको भेटअघि परराष्ट्रमन्त्री पौड्यालले श्रीलंकाका विदेशमन्त्री एमयूएम अली सब्रिसँग भेटवार्ता गरेकी छन् ।
शुक्रबारै उनी श्रीलंकाको स्वतन्त्रता दिवसको पूर्वसन्ध्यामा आयोजना गरिएको सांस्कृतिक कार्यक्रममा सहभागी भएकी छन् । उनले शनिबार श्रीलंकाका राष्ट्रपति रनिल विक्रमासिंघेसँग शिष्टाचार भेट गर्ने कार्यक्रम छ ।
प्रकाशित : माघ २१, २०७९ ०९:५८
