मलेसिया-नेपाल सम्बन्ध नयाँ परिवेशमा लैजान आवश्यक : प्रधानमन्त्री दाहाल

'मलेसियाले कामदारको तलब १५ सय रिंगेट पुर्‍याएकोप्रति आभार ब्यक्त गर्दछु’, भेटमा सहभागी मलेसियाका लागि नेपाली राजदूत डिल्लीप्रसाद पौडेलले प्रधानमन्त्रीको भनाइ उद्धृत गर्दै भने, 'मलेसियाले कामदारको कल्याणकारी र सुरक्षाको क्षेत्रमा समयानुकूल नीतिहरु परिवर्तन गर्दै जानेमा विश्स्त छु ।’

प्रधानमन्त्री दाहालले सीपयुक्त कामदार विकासका लागि दुई देशबीच सहकार्यको आवश्यक भएको बताए । 'मलेसियाले नेपालको जलविद्युत्, हाइड्रोलगायत क्षेत्रमा लगानी गर्न आग्रह गर्छु’, उनले भने ।

भेटमा मलेसियाका गृहमन्त्री इजमाइलले नेपाली कामदारले मलेसियाको विकासमा योगदान पुर्‍याएको बताउँदै नेपाली कामदार मलेसियाको प्राथमिकतामा रहेको बताए । 'नेपाली कामदारको योगदानप्रति हामी उच्च प्रशंसा गर्छौं’, इजमाइलले भने, 'हाम्रो श्रमसँग अन्य क्षेत्रमा पनि नेपालसँग हातेमालो गर्न चाहन्छौं ।’