राजनीतिक समीकरण अहिल्यै फेरिँदैन : प्रधानमन्त्री दाहाल

राष्ट्रिय स्वतन्त्र पार्टीले सरकारलाई दिएको समर्थन फिर्ता लिनसक्ने सम्भावनाबारे पत्रकारहरूले सोधेको प्रश्नमा जवाफ दिँदै प्रधानमन्त्री दाहालले रास्वपाले समर्थन फिर्ता नलिने बताए । दाहालले भने, 'केही हुँदैन । रास्वपाले समर्थन फिर्ता पनि लिनुहुन्न मैले बुझेसम्म ।'

सभापति रवि लामिछानेलाई गृहमन्त्री नबनाएपछि सरकारलाई दिएको समर्थन के गर्ने भन्ने विषयमा रास्वपाको केन्द्रीय समिति र संसदीय दलको बैठक बसुन्धरामा बसिररहेको छ । नागरिकता मुद्दामा सर्वोच्च अदालतले सांसद पद नै खारेज गरिदिएका सभापति लामिछानेलाई गृह मन्त्रालयको जिम्मेवारी दिनुपर्ने रास्वपाको माग छ ।