कान्तिपुर वेबसाईट
AdvertisementAdvertisement
२४.१२°C काठमाडौं
काठमाडौंमा वायुको गुणस्तर: १३४

सहिदको आकांक्षा पूरा गर्न सञ्चारमाध्यमको भूमिका महत्त्वपूर्ण हुन्छ : सभामुख घिमिरे

रासस

काठमाडौँ — प्रतिनिधिसभाका सभामुख देवराज घिमिरेले सहिदका अधुरा सपना पूरा गर्न सबै प्रतिबद्ध हुनुपर्ने बताएका छन् । पत्रकारहरूसँगको अन्तरक्रियात्मक कार्यक्रममा सोमबार सभामुख घिमिरेले सहिदप्रति श्रद्धाञ्जली अर्पण गर्दै सहिदहरूको आकांक्षा पूरा गर्ने आमसञ्चारमाध्यमले विशेष भूमिका निर्वाह गर्ने बताए ।

सहिदको आकांक्षा पूरा गर्न सञ्चारमाध्यमको भूमिका महत्त्वपूर्ण हुन्छ : सभामुख घिमिरे

उनले भने, ‘राष्ट्र र जनताको उन्नतिका लागि जीवन अर्पण गर्ने सहिदहरूप्रति श्रद्धाञ्जली व्यक्त गर्दछु । सहिदहरूको सपना कति र कुन हदसम्म पूरा हुन आएको छ र अब पूरा गर्न के गर्नुपर्छ ? त्यसमा अठोट गर्ने र ती आकांक्षा पूरा गर्ने आमसञ्चारमाध्यमको भूमिका महत्त्वपूर्ण हुन्छ ।’

सभामुख घिमिरेले विगतमा संसदीय समाचार संकलनमा गरिएका राम्रा अभ्यासको निरन्तरता र समस्याको समाधान गर्ने प्रतिबद्धतासमेत जनाए । ‘ संसद्को भूमिका समाजलाई कसरी अग्रगति दिन सकिन्छ भन्ने हो । त्यसका लागि पत्रकार र आमसञ्चारमाध्यमले सहयोग गरिरहेको छ । समाचार सङ्कलन गर्न संसद्‌भित्र देखिएका चुनौती र समस्यालाई समाधान गर्नेछौँ,’ उनले भने । अन्तरक्रियामा पत्रकारहरूले संसदीय समाचार संकलनका क्रममा देखिएका चुनौतीबारे सभामुखको ध्यानाकर्षण गराएका थिए ।

प्रकाशित : माघ १६, २०७९ १८:४३
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?