राष्ट्रपति भण्डारीमा दलगत गन्ध धेरै आयो : बिडारी

राष्ट्रिय सहमतिमा राष्ट्रपति बनाए अहिले झेल्नुपरेका समस्याहरुबाट मुक्ति मिल्ने उनको भनाइ थियो ।

उनले राष्ट्रपति विद्यादेवी भण्डारी दलगत गन्ध धेरै आएको आरोप लगाए । उनले राष्ट्रपति भण्डारी राष्ट्रपति बनेर भन्दा पनि दलको प्रभावमा परेर काम गरेको आरोप लगाए । उनले राष्ट्रपति पद पहिला फालेको जस्तो पद भए पनि पछिल्ला घटनाक्रमले राष्ट्रपतीय पद्धतिलाई परिमार्जन गर्नका निम्ति विद्वत् वर्गले सुझाव दिनुपर्ने आवश्यकता देखिएको बताए ।

उनले राष्ट्रपति निर्वाचनमा गोप्य चुनाव किन हुनुपर्‍यो भन्दै प्रश्नसमेत गरे । उनले भने, ‘राष्ट्रपति निर्वाचनको बारेमा गोप्य चुनाव किन गराए, भोट हाल्ने जनताका प्रतिनिधिले, माननीयहरुले ? तर त्यसको चुनावचाहिँ गोप्य, यसको अर्थ त ह्वीप लाग्दैन भनेको हो नि ! ह्वीप नलाग्ने प्रकारको यो चुनाव हो । राष्ट्रपतिको चुनावमा ह्वीप नलाग्ने कुरामा अभ्यास गर्नुपर्छ ।'