१७.१२°C काठमाडौं
काठमाडौंमा वायुको गुणस्तर: १६०
नारायणगढ-मुग्लिन खण्ड

तुइन खोलामा पुल बनाउन दैनिक चार घण्टा सडक बन्द

रमेशकुमार पौडेल

चितवन — नारायणगढ मुग्लिन सडक संघीय राजधानी काठमाडौं र पर्यटकीय सहर पोखरालाई देशको पूर्वी र पश्चिम भेगसँग जोड्ने मुख्य राजमार्ग हो । तर पछिल्ला पाँच वर्षयता वर्षायाममा यो सडक पहिरो गएर घण्टौं बन्द हुने गर्दछ । यो पटक हिउँदमा पनि नारायणगढ मुग्लिन सडक दैनिक चार घण्टा बन्द भइरहेको छ । सुरुमा पुस ५ गतेदेखि एक महिनालाई भनेर गरेको बन्द फेरि महिना दिन थपिएको छ । पुल बनाउन यसरी सडक बन्द गर्नु पर्ने बाध्यता आएको हो ।

तुइन खोलामा पुल बनाउन दैनिक चार घण्टा सडक बन्द
तुइन खोलामा पुल बनाउन दैनिक चार घण्टा सडक बन्द

नारायणगढ मुग्लिन सडक पुरानो सडक भए पनि साँघुरो थियो । ७२ सालमा यो सडकलाई एसियाली मापदण्ड अनुसारको दुई लेनको फराकिलो सडक बनाउन काम सुरु भयो । झण्डै सवा तीन वर्ष लगाएर सडक फराकिलो बनाए पनि पुल पुरानै थिए । ३६ किलो मिटर सडकमा १८ वटा पुल छन् । तीमध्ये तीनवटा पुल दुई वर्षअघि फराकिलो बनाए पनि बाँकी १५ वटा पुल फराकिलो बनाउन ७६ सालको चैत्र १० मा सम्झौता भएको थियो ।

तुइन खोलामा पुल बनाउन दैनिक चार घण्टा सडक बन्द

नारायणगढ मुग्लिन सडक, नागढुंगा मुग्लिन सडक (पश्चिम खण्ड) आयोजनाका सूचना अधिकारी रहेकका इन्जिनियर कृष्ण आचार्यका अनुसार पाँचवटा पुल पहाड काटेर निर्माण भइरहेका छन् । मुग्लिन नजिकको चिसेन्जी, तुईन खोला, कालिखोला, तोपे खोला र सिमलतालको पुलको जग राख्न तथा पहुँच मार्ग बनाउन आडको पहाड काट्नु परेको छ ।

तुइन खोलामा पुल बनाउन दैनिक चार घण्टा सडक बन्द

सडक आडको अग्लो पहाड काट्दा माथिबाट ढुंगा खसेर तल सडकमा गुडेका गाडीमा लाग्न सक्ने खतरा देखेपछि गाडी रोकेर काम गर्नुपर्ने बाध्यता आएको इन्जिनियर आचार्यले बताए । पहाड काट्नु पर्ने अन्य पुलको काम सकिएको छ । तर चिसेन्जी र तुईन खोलामा धेरै नै काम बाँकी रहेपछि गाडी बन्द गर्ने समय एक महिना थप भएको आचार्यले बताए । यी दुईमध्ये तुईन खोलाको काम झनै गाह्रो छ ।

तुइन खोलामा पुल बनाउन दैनिक चार घण्टा सडक बन्द

तुईन खोलाको मुग्लिन तर्फको भागको पहाड ६० मिटर अग्लो थियो । पुलको ११ मिटर फराकिलो मुखका लागि यो पहाड पूर्णरुपमा हटाउनु पर्ने हुन्छ । तर अहिलेसम्म माथिबाट १५ मिटर मात्रै काटेर सकेको आचार्यले जानकारी दिए । गाडी रोकिएका बेलामा सातवटा मेसिनले धमाधम काम गर्दछन् । तर ठाडो भिरमा कडा चट्टान भएका कारण काट्न सजिलो भने छैन । त्यसैले आउँदो फागुन ५ भित्र ४५ मिटर पहाड काटेर सक्न गाह्रै छ ।

तुइन खोलामा पुल बनाउन दैनिक चार घण्टा सडक बन्द

आधा पहाड काटेर सके अहिलेको जस्तो दिनमा चार घण्टा गाडी रोकेर काम गर्न नपर्ने आचार्यले बताए । नारायणगढ मुग्लिन सडक, नागढुंगा मुग्लिन सडक (पश्चिम खण्ड) आयोजनाका प्रमुख किरण कार्कीले यो सडक हुँदै दैनिक १५ हजारको हाराहारीमा गाडी ओहर दोहर गर्ने बताए । त्यसैले लामो समय गाडी रोकेर काम गर्न चुनौतीपूर्ण छ । अवस्था हेरेर नियन्त्रित विष्फोट मार्फत पहाड फुटाउन पनि पर्न सक्ने कार्कीले बताए ।

तुइन खोलामा पुल बनाउन दैनिक चार घण्टा सडक बन्द

तुइन खोलामा पुल बनाउन दैनिक चार घण्टा सडक बन्द

तुइन खोलामा पुल बनाउन दैनिक चार घण्टा सडक बन्द

तुइन खोलामा पुल बनाउन दैनिक चार घण्टा सडक बन्द


प्रकाशित : माघ ११, २०७९ १४:२०
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?