बानेश्वरमा एक युवकद्वारा आत्मदाह प्रयास
आफ्नै शरीरमा आगो लगाएपछि ती पुरुष घाइते भएका छन् । कीर्तिपुरको बर्न हस्पिटलमा उनको उपचार भइरहेको छ ।
काठमाडौँ — काठमाडौंको नयाँ बानेश्वरस्थित सडकमै एक व्यक्तिले आत्मदाहको प्रयास गरेका छन् । इलामको पन्चकन्या ६ स्थायी घर भएका अन्दाजी ३६ वर्षीय प्रेम प्रसाद आचार्यले आत्मदाहको प्रयास गरेको प्रहरीले जनाएको छ ।
हाल ती व्यक्ति घाइते भएको र कीर्तिपुरस्थित बर्न अस्पतालमा उपचार भइरहेको नेपाल प्रहरीका प्रवक्ता एसपी दिनेश मैनालीले जानकारी दिए ।
यद्यपि घटनाको कारणबारे केही खुलेको छैन । यसबारे अनुसन्धान गरिने मैनालीले जनाए ।
प्रकाशित : माघ १०, २०७९ १५:४९प्रतिक्रिया
