चिनियाँ परराष्ट्रमन्त्रीले नेपाली समकक्षीलाई पठाए बधाइ सन्देश

उनले जनवरी १९ तारिख जारी गरेको शुभकामना सन्देशमा सन् १९५५ मा दौत्य सम्बन्ध स्थापना यता नेपाल-चीन सम्बन्ध स्वस्थ तथा स्थिर रुपमा विकसित हुँदै आएको बताएका छन्।

यो सम्बन्धले शान्तिपूर्ण सहअस्तित्वका क्षेत्रमा एउटा उदाहरण प्रस्तुत गरेको भन्दै उनले भने, ‘चीन र नेपाल पहाड तथा नदीले जोडिएका मैत्रीपूर्ण असल छिमेकी मुलुक हुन्। यसले मुलुकहरुबीच शान्तिपूर्ण सह-अस्तित्वको आपसी मित्रता तथा सहायताका क्षेत्रमा आदर्श स्थापना गरेको छ।’

शुभकामना सन्देशमा परराष्ट्रमन्त्री छिनले दुई देशका राष्ट्रप्रमुखले एकअर्को मुलुकको भ्रमण गरेको र त्यस दौरान भएका सहमतिहरू कार्यान्वयनको पक्षलाई उठाएका छन्। सन् २०१९ मा दुई मुलुकका राष्ट्र प्रमुखले द्वीपक्षीय सम्बन्धलाई विकास र समृद्धि उन्मुख युगौं युग मैत्रीपूर्ण रणनीतिक सहयोगात्मक साझेदारी सम्बन्धको स्तरमा उकास्ने सहमति गरेका थिए।

उनले परराष्ट्र मन्त्री पौड्यालसँगै मिलेर दुई मुलुकका नेताबीच सम्पन्न महत्वपूर्ण मतैक्यतालाई व्यवहारमा उतार्ने प्रयत्नका लागि सहकार्यको इच्छा पनि प्रकट गरेका छन्। उनले भने, ‘चीन-नेपाल सम्बन्धको विकासका लागि नयाँ योगदान पुर्‍याउन कोसिस गर्न इच्छुक छु।’