कान्तिपुर वेबसाईट
AdvertisementAdvertisement
२२.१२°C काठमाडौं
काठमाडौंमा वायुको गुणस्तर: १५५

पोखरा विमान दुर्घटनाप्रति चीनद्वारा दु:ख व्यक्त

लक्ष्मी लम्साल

बेइजिङ — चीनले नेपालमा आइतबारको विमान दुर्घटनाबाट भएको मानवीय तथा भौतिक क्षतिप्रति गहिरो दुःख प्रकट गरेको छ । सोमबार बेइजिङमा पत्रकार सम्मेलन गर्दै चिनियाँ परराष्ट्र मन्त्रालयका प्रवक्ता वाङ वनपिङले पत्रकारहरुको जिज्ञासामा उक्त घटनाप्रति दुःख प्रकट गरे।

पोखरा विमान दुर्घटनाप्रति चीनद्वारा दु:ख व्यक्त

'नेपालको परम्परागत र इमानदार मित्रको नाताले यस दुःखको घडीमा हामी नेपाली जनतासँगै रहेका छौं, उनले भने, ‘विमान दुर्घटनामा मृतकका आफन्तप्रति गहिरो समवेदना र मृतकप्रति हार्दिक श्रद्धाञ्जली व्यक्त गर्दछौं।’

स्थानीय समयअनुसार माघ १ गते (जनवरी १५) मा काठमाडौंबाट पोखराका लागि उडेको यती एयरलाइन्सको विमान पोखरामा दुर्घटनाग्रस्त भई आगलागी भएको थियो। दुर्घटनामा विमानमा सवार सबै ७२ जनाको मृत्यु भएको पुष्टि भएको थियो।

यसैबीच नेपालस्थित चिनियाँ दूतावासले दुर्घटनाग्रस्त विमानमा कुनै पनि चिनियाँ नागरिक नरहेको पुष्टि गरेको चिनियाँ संचारमाध्यमहरूले जनाएका छन्। यसअघि आइतबार नै उक्त घटनाप्रति भारतीय, चिनियाँ र अमेरिकी दूतावासले दु:ख व्यक्त गर्दै मृतकका परिवारजनलाई समवेदन व्यक्त गरेका थिए ।

प्रकाशित : माघ २, २०७९ १६:३८
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?