कान्तिपुर वेबसाईट
AdvertisementAdvertisement
२४.१२°C काठमाडौं
काठमाडौंमा वायुको गुणस्तर: १४९

हङकङ महिला आयोगमा नेपाली मूलकी सदस्य

काठमाडौँ — नेपाली मूलकी रीता गुरुङ हङकङको महिला आयोग सदस्यमा नियुक्त भएकी छन् । हङकङ नेपाली महासंघ र नेपाल क्लब हङकङकी अध्यक्ष गुरुङलाई आइतबारदेखि नै लागू हुने गरी गृह तथा युवा मामिला मन्त्रालयअन्तर्गतको उक्त आयोगमा जिम्मेवारी दिइएको हो । हङकङको उच्च सरकारीस्तरमा नियुक्त गुरुङ नेपाली मूलकी पहिलो महिला हुन् । 

हङकङ महिला आयोगमा नेपाली मूलकी सदस्य

आयोगमा गुरुङसहित २१ सदस्यको कार्यकाल दुई वर्ष रहने व्यवस्था छ । आयोगका सदस्यहरूले सरकारलाई महिला सुरक्षा, हकहित र अधिकारसम्बन्धी नीति निर्माणमा सल्लाह–सुझाव दिने गर्छन् । गुरुङलाई यसअघि अपराधविरुद्धको अभियन्ताका रूपमा गृह मन्त्रालयले हङकङको याउ ची मोङ जिल्लाको उपाध्यक्षमा चयन गरेको थियो ।

डिस्ट्रिक फाइट क्राइम कमिटीको उपाध्यक्ष रहेकै बेला गुरुङलाई ‘र्‍यासियल हार्मोनी कमिटी’ को सदस्यमा पनि मनोनयन गरिएको थियो । हङकङको सामाजिक क्षेत्रमा गरेको योगदानको कदर गर्दै गुरुङलाई ‘चिफ एक्ज्युकेटिभ कमेन्डेसन फर कम्युनिटी सर्भिस’ अवार्ड दिइएको थियो ।

पोखराको नयाँ बजार पुर्ख्यौली घर भएकी उनी सन् १९९७ मा हङकङ पुगेकी हुन् । लामो समयदेखि त्यहाँ रहेर सामाजिक काममा सक्रिय गुरुङले उक्त आयोगको सदस्यका रूपमा महिलाको क्षेत्रमा काम गर्न जिम्मेवारी बढेको बताइन् । ‘हङकङ सरकारले विश्वास गरेर महिलाको हकअधिकारको क्षेत्रमा काम गर्न लायक ठानेकामा खुसी लागेको छ । यसबाट अवसरसँगै चुनौती पनि थपिएको महसुस गरेकी छु,’ उनले कान्तिपुरसित भनिन् ।

प्रकाशित : माघ २, २०७९ ०७:३७
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?