गठबन्धन बैठकअघि प्रधानमन्त्री दाहाल र एमाले अध्यक्ष ओलीबीच छलफल

प्रधानमन्त्री निवास बालुवाटारमा मन्त्रिपरिषद् विस्तार र सभामुख, उपसभामुख निर्वाचनलगायत विषयमा दाहाल र ओलीबीच छलफल भएको हो ।

प्रधानमन्त्री दाहालसँग छलफल र सत्तारुढ गठबन्धनको बैठकमा भाग लिन एमाले अध्यक्ष ओली बिहीबार ४ बजेतिर बालुवाटार पुगेका थिए । अध्यक्ष ओलीको सचिवालयका अनुसार दुवै जनाबीच गठबन्धनको बैठकअघि एक्लाएक्लै छलफल भएको हो ।

दाहाल र ओलीबीचको छलफल सकिएपछि सत्तारुढ गठबन्धनको बैठक बालुवाटारमा नै बस्न लागेको छ । संसद्‌बाट पुस २६ गते विश्वासको मत लिएका प्रधानमन्त्री दाहालले मन्त्रिपरिषद् विस्तारको तयारी गरेका छन् ।