एमाले सचिवालय बैठक स्थगित
संघीय संसद् तथा सातै प्रदेश संसदका समानुपातिक सांसद चयन गर्न बस्दै थियो बैठक
काठमाडौँ — समानुपातिकबाट निर्वाचित हुने सांसदहरु चयन गर्नका लागि शुक्रबार बस्ने भनिएको एमालेको सचिवालय बैठक स्थगति भएको छ ।
एमाले प्रचार विभागका उपप्रमुख विष्णु रिजालले बैठक स्थगित भएको जानकारी दिएका हुन् । अर्को बैठक कहिले र कहाँ बस्छ भन्ने निर्णय भइ नसकेको पनि उनले बताए ।
नेकपा एमालेले प्रतिनिधिसभातर्फको समानुपातिकबाट निर्वाचित हुने ३४ मध्ये १९ महिला र १५ पुरुष मध्ये कुन समूहबाट कति जना पठाउने भन्ने प्रारम्भिक प्रस्ताव तयार गरेको छ । यस्तै बैठकले सातै प्रदेशका लागि पनि समानुपातिक सांसद् चयन गर्ने बताइएको छ ।
प्रकाशित : मंसिर २३, २०७९ १३:०८