१२.१२°C काठमाडौं
काठमाडौंमा वायुको गुणस्तर: १६३

निर्वाचनमा मत नदिएको भन्दै आक्रमण गरिनु दु:खद् : नेता पोखरेल

सुनिता बराल

महोत्तरी — निर्वाचनमा मतदान नगरेकै निहुँमा मंगलबार राति गौशाला नगरपालिकाको निगौलका स्थानीयमाथि टोलमै पसेर कुटपिट भएको घटनाले दुखी बनाएको माओवादी केन्द्रका नेता गिरिराजमणि पोखरेलले बताएका छन् ।

निर्वाचनमा मत नदिएको भन्दै आक्रमण गरिनु दु:खद् : नेता पोखरेल

नेता पोखरेलले सामाजिक सन्जालमा लेख्दै टोलमै पसेर आक्रमण गर्नु र घाइतेहरु उपचारमा रहेका बेला अस्पतालमै गएर पुनः आक्रमण गरेको घटनाले दुःखित बनाएको बताएका हुन् । 'निर्वाचनमा म पराजित भए पनि विगत २ दिनदेखि मतदातालाई आभार तथा धन्यवाद ज्ञापन कार्यक्रम आयोजना गर्दै विभिन्न वडामा जाने क्रममा हिजो बिहान त्यही निगौलमा कार्यक्रम गरिएको थियो,' उनले भनेका छन्, 'कार्यक्रममा सहभागी हुने गठबन्धनका नेता, कार्यकर्तामाथि कुटपिट भएको छ ।'

महोत्तरीका प्रमुख जिल्ला अधिकारी, प्रहरी प्रमुखलगायतलाई भेटेर घटना अनुसन्धानबारे जानकारी लिँदै निगौलका जनताको सुरक्षा संवेदनशिलताप्रति गम्भीर हुन अनुरोध गरेको पोखरेलले जनाएका छन् ।

लोकतान्त्रिक प्रक्रियामा सहभागी भए पनि सोच, शैली र व्यवहारमा आपराधिक प्रवृत्ति हुनेहरुको पतन निश्चित हुने उनको दाबी छ । घाइते निगौलवासीको नेता पोखरेलले स्वास्थ्यलाभको कामना गरेका छन् ।

प्रकाशित : मंसिर १४, २०७९ २२:३०
प्रतिक्रिया
पठाउनुहोस्
जनताको राय

नेपालको पासपोर्ट फेरि पनि विश्व वरीयतामा १०३ औं स्थानमा परेर खराब सूचिमै दर्ज भयो । स्तर उकास्न मुख्य रुपमा के गर्नुपर्छ ?