भारतमा आयोजित 'गीता महोत्सव'को कन्ट्री पार्टनर नेपाल- समाचार - कान्तिपुर समाचार
कान्तिपुर वेबसाईट
AdvertisementAdvertisement

भारतमा आयोजित 'गीता महोत्सव'को कन्ट्री पार्टनर नेपाल

कान्तिपुर संवाददाता

नयाँ दिल्ली — भारतको हरियाणा सरकारले आयोजना गरेको अन्तर्राष्ट्रिय गीता महोत्सवमा नेपाल ‘कन्ट्री पार्टनर’ रहेको छ । हरियाणाको ऐतिहासिक तथा धार्मिक महत्त्वको सहर कुरुक्षेत्रमा आयोजित उक्त महोत्सवको मंगलबार राष्ट्रपति द्रौपदी मुर्मुले उद्घाटन गरेकी छन् ।

कार्यक्रममा भारतका लागि नेपाली राजदूत शंकर शर्माले नेपालको प्रतिनिधित्व गरेका थिए । आयोजकले प्रधानमन्त्री शेरबहादुर देउवालाई निमन्त्रणा गरेको थियो । तर, देउवा नेपालमा जारी चुनावी प्रक्रिया लगायत कारणले सहभागितका लागि असमर्थ रहेको जनाएका थिए । नेपाल सरकारको तर्फबाट प्रधानमन्त्री देउवाको सन्देश कार्यक्रममा सुनाइएको थियो ।

मन्त्रोच्चारण, शंखनाद र श्लोकोच्चारणका बीच राष्ट्रपति मुर्मुले महोत्सव उद्घाटन गरेकी थिइन् । हरियाणाका राज्यपाल बंडारु दत्तात्रेय, मुख्यमन्त्री मनोहर लालसहित प्रदेशका उच्च अधिकारीहरू माझ नेपाली राजदूत शर्माको पनि सहभागिता थियो ।

महोत्सवमा भारतका विभिन्न राज्यबाट आएका कलाकाहरूले आफ्नो प्रदेशको कला संस्कृतिको झाँकी प्रदर्शन तथा सांस्कृति कार्यक्रम देखाएका छन् । ‘कन्ट्री पार्टनर’का रुपमा नेपालले पनि आफ्नो कार्यक्रम नोभेम्बर ४ मा प्रदर्शन गर्दैछ ।

त्यसवाहेक व्यापार व्यवसायका हिसबाले पनि महोत्सवमा स्टलहरू राखिएका छन् । नेपालको पहिाचन देखिने हस्तकलाहरु नेपाली टोपी, खकुरी, पस्मिना, रुद्राक्ष सहितका सामग्रीको स्टल राखिएको दूतावासका कल्चरल काउन्सिलर यदु पौडेलले बताए ।

उनले साताव्यापी चल्ने मेलालाई ४५ लाख मानिसले अवलोकन गर्ने आयोजकले अनुमान गरेको भन्दै भारतका ठूलो जनसंख्या माझ नेपाली उत्पादनहरूलाई चिनाउने अवसर पनि रहेको बताए । ‘धार्मिक, ऐतिहासिक र व्यवसायिक सबै डाइमेन्सनबाट मेलाको महत्त्व देखिएको छ,’ उनले भने ‘हामीले यसबाट लाभ लिने कोसिस गर्न सक्नुपर्छ ।’

प्रकाशित : मंसिर १३, २०७९ १९:४२
प्रतिक्रिया
पठाउनुहोस्

संयोग नै होला, अमेरिकामा पनि घण्टी चुनाव चिह्न भएको एउटा फ्रिडम पार्टी छ : ओली

'संयोग नै होला, अमेरिकामा एउटा फ्रिडम पार्टी भन्ने छ । त्यसको चिह्न घण्टी छ । फ्रिडम पार्टी अफ अमेरिका र त्यसको चिह्न घण्टी छ । दुरुस्त आकारको फोटै खिचेजस्तो घण्टी यहाँ पनि लिएर आ'छ एउटा फ्रिडम पार्टी । '
कान्तिपुर संवाददाता

काठमाडौँ — एमाले अध्यक्ष केपी शर्मा ओलीले रवि लामिछाने नेतृत्वको राष्ट्रिय स्वतन्त्र पार्टी(रास्वपा)को नाम र चुनाव चिह्न अमेरिकी पार्टीसँग मिल्ने बताएका छन् ।

मंगलबार पार्टी केन्द्रीय कार्यालय च्यासलमा राष्ट्रिय जनसांस्कृतिक महासंघले आयोजना गरेको बधाई कार्यक्रमलाई सम्बोधन गर्दै ओलीले रास्वपा र अमेरिकी फ्रिडम पार्टीको चुनाव चिह्न मिलेको भन्दै टिप्पणी गरेका हुन् ।

ओलीले रास्वपाको चुनाव चिह्न घण्टीबारे टिप्पणी गर्दै भने, 'संयोग नै होला, अमेरिकामा एउटा फ्रिडम पार्टी भन्ने छ । त्यसको चिह्न घण्टी छ । फ्रिडम पार्टी अफ अमेरिका र त्यसको चिह्न घण्टी छ । दुरुस्त आकारको फोटै खिचेजस्तो घण्टी यहाँ पनि लिएर आ'छ एउटा फ्रिडम पार्टी । संयोग नै होला तर अस्तिसम्म स्याप्पै थियो त्यो बेलुन । हावा कसैले नहाली कसरी हुप्प भयो यत्रो । केही त होला, त्यतातिर नलागौँ ।'


प्रकाशित : मंसिर १३, २०७९ १९:४१
पूरा पढ्नुहोस्
प्रतिक्रिया
पठाउनुहोस्
×