धनुषा-४ मा एमालेका रघुवीर महासेठ विजयी

काठमाडौँ — धनुषा- ४ मा एमालेका रघुवीर महासेठ विजयी भएका छन् । निर्वाचन आयोगका अनुसार महासेठले ३२२३६ मत ल्याई विजयी भएका छन् । निकटतम प्रतिद्वन्द्वी नेपाली कांग्रेसका उम्मेदवार महेन्द्र यादवलाई १२४ मतान्तरले पराजित गरेका हुन् । पराजित महेन्द्र यादवले ३२११२ मत ल्याएका छन् ।

महासेठ २०६४ को संविधान सभाको उपनिर्वाचनमा धनुषा-५ बाट विजयी भएका थिए । २०७४ को चुनावमा पनि उनी धनुषा-४ बाट निर्वाचित भएका थिए । धनुषा- ३ बाट यसपटक उनकी श्रीमती जुलीकुमारी महतो विजयी भइसकेकी छन् । महासेठ एमाले सचिव हुन् ।