जीवन बिमक संघको अध्यक्षमा पौडेल- समाचार - कान्तिपुर समाचार
कान्तिपुर वेबसाईट
AdvertisementAdvertisement

जीवन बिमक संघको अध्यक्षमा पौडेल

कान्तिपुर संवाददाता

काठमाडौँ — जीवन बिमा कम्पनीहरूको छाता संगठन जीवन बिमक संघको अध्यक्षमा पोषकराज पौडेल चुनिएका छन् । शुक्रबार सम्पन्न वार्षिक साधारणसभाले पौडेलको नेतृत्वमा नयाँ कार्यसमिति चुनेको हो । पौडेल सिटिजन लाइफ इन्स्योरेन्सका प्रमुख कार्यकारी अधिकृत हुन् ।

संघको उपाध्यक्षमा नेपाल लाइफ इन्स्योरेन्सका प्रमुख कार्यकारी प्रवीणरमण पराजुली, महासचिव ज्योति लाइफ इन्स्योरेन्सका प्रमुख कार्यकारी अधिकृत प्रकाशविक्रम खत्री र कोषाध्यक्षमा एसियन लाइफ इन्स्योरेन्सका प्रमुख कार्यकारी अधिकृत दिनेशलाल श्रेष्ठ चुनिएका छन् । संघको कार्यकारी सदस्यमा एलआईसी नेपालका प्रमुख कार्यकारी अधिकृत एलपी दास, आईएमई लाइफका प्रमुख कार्यकारी अधिकृत कवि फुयाल र रिलायबल लाइफ इन्स्योरेन्सका प्रमुख कार्यकारी अधिकृत नारायणबाबु लोहनी छन् । नेपालमा १९ वटा जीवन बिमा कम्पनी सञ्चालनमा छन् ।

प्रकाशित : मंसिर ११, २०७९ १२:२८
प्रतिक्रिया
पठाउनुहोस्

साना उद्यमीलाई मुक्तिनाथ विकास बैंकको साथ

कान्तिपुर संवाददाता

काठमाडौँ — काठमाडौंको पुतलीसडकस्थित कफी सोलुसन प्रालि र मुक्तिनाथ विकास बैंकबीच कफी व्यवसाय सञ्चालन गर्न चाहनेहरूलाई व्यावसायिक कर्जा प्रवाह गर्ने सम्बन्धमा सम्झौता भएको छ । सम्झौताअनुसार कफी सोलुसनले कफीसम्बन्धी व्यवसाय गर्न इच्छुक व्यक्तिलाई छनोट गरी आवश्यक तालिम दिई सक्षम बनाई सशुल्क कफी मेसिन उपलब्ध गराउनेछ ।

बैंकले भने कफी मेसिनको लागतको ५० प्रतिशतसम्मको लागत बराबरको रकम व्यवसायीलाई बिनाधितो ऋण उपलब्ध गराउनेछ । ऋण लिएर व्यवसाय सुरु गरी त्यही व्यवसायबाट आर्जन गरेको रकमले बैंकलाई मासिक किस्ता तिर्न मिल्ने व्यवस्था गरिएको छ । यसबाट साना व्यवसायीको दैनिक जीविकोपार्जन र स्वरोजगार बन्नमा सहयोग पुग्ने बैंकका प्रमुख कार्यकारी अधिकृत प्रद्युमन पोखरेलले बताए ।

प्रकाशित : मंसिर ११, २०७९ १२:२४
पूरा पढ्नुहोस्
प्रतिक्रिया
पठाउनुहोस्
×