कान्तिपुर वेबसाईट
AdvertisementAdvertisement
२५.१२°C काठमाडौं
काठमाडौंमा वायुको गुणस्तर: १३४

धनगढीका अवैध संरचनामा चल्यो उपमहानगरको डोजर 

कान्तिपुर संवाददाता

काठमाडौँ — कैलालीको धनगढीमा मापदण्डविपरीत बनेका संरचना हटाउन सुरु गरिएको छ । बुधबारदेखि धनगढी उपमहानगरपालिकाले वडा नम्बर-१ कैलाली पुलदेखि वडा नम्बर ८ क्याम्पस चोक सडक छेउका संरचना हटाउन डोजर चलाएको हो ।

धनगढीका अवैध संरचनामा चल्यो उपमहानगरको डोजर 

यसअघि भदौ १३ मा उपमहानगरपालिकाले सडक छेउका संरचना हटाउन पत्राचार गरेको थियो । सडकको विस्तृत योजना प्रतिवेदन (डिपीआर) तयार भइरहेको र सडकको दायाँ–बायाँ १५ मिटर सडक अधिकार क्षेत्रभित्र पर्ने भवन हटाउन घर धनीलाई पत्राचार गरेको थियो । तर घरधनीहरुले त्यसको बेवास्ता गरेपछि उपमहानगरपालिकाले संरचना हटाउन थालेको हो ।

संरचना हटाउन कार्यस्थलमा पुगनुभएकी धनगढी उपमहानगरपालिकाकी उपप्रमुख कन्दकला रानाले महानगरपालिकाले पत्राचार गर्दा बेवास्ता गरेकाले संरचना भत्काउन थालेको बताइन् । बुधबारदेखि सुरु भएको अभियानलाई निरन्तरता दिइने उनको भनाइ छ ।

मापदण्डविपरीत बनेका संरचना हटाउने अभियान पछिल्लो समय देशव्यापी रूपमा बढ्दै गइरहेको छ । यसअघि काठमाडौं, पोखरा ममहानगरपालिका र हेटौंडा उपमहानगरपालिकाले पनि अवैध संरचनाहरूमा डोजर चलाएका थिए ।

प्रकाशित : कार्तिक १७, २०७९ ११:०३
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?