भरतपुरमा भेटिएको शंकास्पद वस्तु सेनाद्वारा 'डिस्पोज'- समाचार - कान्तिपुर समाचार
कान्तिपुर वेबसाईट
AdvertisementAdvertisement

भरतपुरमा भेटिएको शंकास्पद वस्तु सेनाद्वारा 'डिस्पोज'

रमेशकुमार पौडेल

भरतपुर — भरतपुरको नयाँ मेडिकल कलेज अगाडि भेटिएको शंकास्पद वस्तु सेनाले निष्क्रिय पारेकाे छ । करिब २ बजेर ४० मिनेटतिर देखिएको उक्त शंकास्पद वस्तुलाई सेनाको टोलीले ४ बजेर ४५ मिनेटमा निष्क्रिय पारेको हो ।

एक जनाले स्कुटरमा आएर छाडेको उक्त शंकास्पद वस्तुलाई भरतपुर ब्यारेकको सेनाको टाेलीले निष्क्रिय पारेको चितवनका प्रमुख जिल्ला अधिकारी असमान तमाङले बताए । सेनाले डिस्पोज गर्दा उक्त वस्तु बम नभएको पाइएको छ । बमको आशंका गरिएको उक्त वस्तु तर्साउने मनसायले राखिएको पाइएको उनले बताए ।

पूर्व–पश्चिम राजमार्गमा शंकास्पद वस्तु फेला परेपछि प्रहरीले दुईतर्फी नै सवारी साधन रोकेर उक्त वस्तु डिस्पोज गर्ने काम थालेको थियो ।

प्रकाशित : कार्तिक ८, २०७९ १७:००
प्रतिक्रिया
पठाउनुहोस्

वीरगन्जमा जुवाखालबाट ४ जना पक्राउ

भूषण यादव

वीरगन्ज — वीरगन्ज महानगरपालिका – १७ अलौंको जुवाखालबाट प्रहरीले चार जनालाई नगद रुपैयाँसहित पक्राउ गरेको छ ।

वडा प्रहरी कार्यालय श्रीपुरको टोलीले कौडा खेलीरहेका चार जनालाई एक लाख १८ हजार रुपैयाँसहित सोमबार राति पक्राउ गरेको हो ।

जिल्ला प्रहरी कार्यालय पर्साका अनुसार पक्राउ पर्नेमा अलौ निवासी २८ वर्षीय लक्ष्मी सहनी, ३० वर्षीय अनिल प्रसाद साह, ४० वर्षीय मुकेश गुप्ता र ३९ वर्षीय जाकिर मिया रहेका छन् ।

कौडा खेलिरहेको विशेष सूचना पाएपछि सोमबार राति पौने १२ बजे प्रहरी टोली अलौं पुगेको थियो । कौडा खेलिरहेका ४ जनालाई नियन्त्रणमा लिई थप अनुसन्धान थालिएको प्रहरी उपरीक्षक रमेश कुमार बस्नेतले जानकारी दिए ।

प्रकाशित : कार्तिक ८, २०७९ १६:३२
पूरा पढ्नुहोस्
प्रतिक्रिया
पठाउनुहोस्
x
×