उत्कृष्ट टिकटक भिडियो बनाउनेलाई आयोगले ५० हजार दिने

निर्वाचन प्रचार प्रसार, निर्वाचन आचारसंहिता तथा निर्वाचन शिक्षाजस्ता विषयमा आधारित उत्कृष्ट टिकटक भिडियो बनाउन आह्वान गर्दै आयोगले प्राप्त उत्कृष्ट भिडियोलाई पुरस्कृत गर्ने निर्णय गरेको हो ।

टिकटक भिडियो प्रतियोगितामा सहभागी हुनेले २० सेकेन्डदेखि एक मिनेटसम्मको भिडियो बनाएर आयोगको इमेल ठेगानामा कात्तिक १५ गतेभित्र पठाइसक्नुपर्ने आयोगले जनाएको छ ।

प्राप्तमध्ये उत्कृष्ट पाँच वटा भिडियोलाई जनही ५० हजार रुपैयाँ पुरस्कार तथा प्रशंसापत्र प्रदान गर्ने आयोगले जनाएको छ ।