१७.१२°C काठमाडौं
काठमाडौंमा वायुको गुणस्तर: १६३

पोखरीमा २७ बाँदर मृत भेटिए 

वीरेन्द्र केसी

अर्घाखाँची — सन्धिखर्क नगरपालिका ९ नौलापानीस्थित थेरवाङ जंगलमा रहेको सिँचाइ पोखरीमा २७ वटा बाँदर मृत भेटिएका छन् । जंगलको बीचमा रहेको पोखरीमा खसेर बाँदर डुबेका डिभिजन वन कार्यालयका फरेष्टर दिपक पाण्डेले बताए ।

पोखरीमा २७ बाँदर मृत भेटिए 

बाँदर कसरी पोखरीमा खसे भन्नेबारे अनुसन्धान भइरहेको छ ।

सुरूमा एउटा बाँदर रूखबाट पोखरीमा खसेको र त्यसलाई बचाउन अरू पोखरीमा हाम फालेको हुन सक्ने स्थानीयको अनुमान छ ।

सिँचाइको लागि निर्माण गरिएको पोखरी हो । पाण्डेका अनुसार अर्घा गाउँबाट थेरवाङ जंगलमा रहेको पोखरीमा पुग्न डेढ घण्टा हिँड्नु पर्छ । शनिबार साँझ बाँदर पोखरीमा डुबेका हुन् । पोखरीमा ६ फिट तारजाली लगाइएकाले बाँदर निस्कन नसकेको पाण्डेले बताए । मरेका बाँदरलाई खाडल खनेर गाडिएको उनले बताए ।

प्रकाशित : आश्विन १६, २०७९ ०९:४२
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?