नेकपा एमालेको सचिवालय बैठक सुरु
काठमाडौँ — नेकपा एमालेका अध्यक्ष केपी शर्मा ओलीको निजी निवास बालकोटमा बिहीबार साँझ पार्टीको केन्द्रीय सचिवालयको १३औं बैठक सुरु भएको छ।
बैठकमा आगामी मंसिर ४ गते हुने प्रतिनिधिसभा र प्रदेश सभाको निर्वाचनका लागि प्रत्यक्षतर्फका उम्मेदवारहरूको टुंगो लगाउने बताइएको छ ।
बैठकमा लोकतान्त्रिक समाजवादी पार्टी, राष्ट्रिय प्रजातन्त्र पार्टी, राष्ट्रिय प्रजातन्त्र पार्टी नेपाल लगायतका दलहरूसँग चुनावी तालमेल गर्ने विषयमा पनि छलफल हुने जनाइएको छ ।
प्रत्यक्षतर्फका उम्मेदवारहरूले मनोनयन दर्ता गर्ने दिन नजिकिँदै गरेको अवस्थामा गठबन्धन दलहरूसहित सबै दलले उम्मेदवार छनोटबारे छलफल तीव्र पारेका छन् । प्रत्यक्षतर्फ यही असोज २३ देखि २६ गतेसम्म उम्मेदवारी दर्ता (मनोनयन) गर्न निर्वाचन आयोगले समय दिएको छ ।
प्रकाशित : आश्विन १३, २०७९ १९:१७प्रतिक्रिया
