कान्तिपुर वेबसाईट
AdvertisementAdvertisement
२१.१२°C काठमाडौं
काठमाडौंमा वायुको गुणस्तर: १६१

मुख्यसचिव वैरागीलाई डेंगी संक्रमण, सिभिल अस्पतालको आईसीयूमा भर्ना

कान्तिपुर संवाददाता

काठमाडौँ — मुख्यसचिव शंकरदास वैरागीलाई डेंगी संक्रमण भएपछि मिनभवनस्थित निजामती कर्मचारी अस्पताल (सिभिल अस्पताल) भर्ना गरिएको छ । वैरागीलाई शनिबार रातिदेखि सिभिल अस्पताल भर्ना गरिएको हो ।

मुख्यसचिव वैरागीलाई डेंगी संक्रमण, सिभिल अस्पतालको आईसीयूमा भर्ना

मुख्यसचिव वैरागीको उपचारमा संलग्न चिकित्सकका अनुसार संक्रमणका कारण उनलाई उच्च ज्वरो आएकोले अस्पताल भर्ना गरेर आईसीयूमा राखिएको हो । 'अहिले उहाँको अवस्था सुधारोन्मुख छ,' एक चिकित्सकले भने, 'उहाँको अवस्था धेरै जटिल छैन । ज्वरो नियन्त्रणमा नआएकोले आईसीयूमा राखिएको हो ।'

सिभिल अस्पतालका निर्देशक डा. विधाननिधी पौडेलका अनुसार मुख्यसचिव वैरागीलाई संक्रमणका साथै हल्का निमोनियासहित उच्च ज्वरो देखिएकाले अस्पताल भर्ना गरेर आईसीयूमा राखिएको हो । 'अहिले उहाँको अवस्था सुधारोन्मुख छ,' उनले भने, 'उहाँको अवस्था धेरै जटिल छैन । ज्वरो नियन्त्रणमा आएको छ सबै प्यारामिटरहरु अहिले ठिक छ । भेट्न आउने मानिसहरु धेरै भएकाले थप संक्रमण हुन सक्ने जोखिमका कारण पनि आईसीयूमा राखिएको हो ।'

नेपालको मुस्ताङबाहेकका सबै जिल्लामा अहिले डेंगी संक्रमित भेटिएका छन् । काठमाडौं उपत्यकामा भने यो महामारीकै रुपमा देखा परेको छ । हालसम्म करिब २६ हजार जना डेंगीका कारण संक्रमित भइसकेका छन् भने ३२ जनाको मृत्यु भएको छ ।

यो पनि पढ्नुहोस् :

दसैंमा डेंगी अझ फैलिने जोखिम

नोट : सिभिल अस्पतालका निर्देशक डा. विधाननिधी पौडेलसँगको भनाइ थप गरी यो समाचार अपडेट गरिएको छ ।


प्रकाशित : आश्विन १०, २०७९ १५:००
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?