आमनिर्वाचन देश बनाउने अवसर : ओली

यस निर्वाचनले लोकतन्त्र बचाउने र जनविरोधी तत्वलाई पराजित गर्ने अवसरका रूपमा लिन आग्रह गर्दै उनले निर्वाचनमा गम्भीर भएर देशको विकास र समृद्धिमा काम गर्न सक्ने, सक्षम नेतृत्व चुन्नुपर्ने खाँचो रहेको औंल्याए ।

झापाको दमकमा एक पार्टी प्यालेसमा आइतबार आयोजित पार्टी प्रवेश कार्यक्रममा उनले भने, 'आगामी निर्वाचनबाट जनविरोधी तत्व पराजित भएमात्र देशले समृद्धिको गति लिने छ ।'

आफ्नै गृह क्षेत्रमा भएको कार्यक्रममा उनले निर्वाचनमा एमालेलाई किन भोट दिने भन्ने कुरा एमाले नेतृत्वको सरकारले गरेका कामबाट नै प्रमाणित भएको समेत दाबी गरे । अब जनताले देश विकास र समृद्धिका लागि एमालेलाई जिताउने उनको भनाइ थियो ।