विवेकशील साझाको प्रवक्तामा परियार- समाचार - कान्तिपुर समाचार
कान्तिपुर वेबसाईट
AdvertisementAdvertisement

विवेकशील साझाको प्रवक्तामा परियार

कान्तिपुर संवाददाता

काठमाडौँ — विवेकशील साझा पार्टीले प्रवक्तामा संस्थापक नेता प्रकाशचन्द्र परियारलाई नियुक्त गरेको छ। पार्टीको संचार तथा सूचना प्रविधि विभाग प्रमुख समेत रहेका परियारले पार्टी विधानको भाग १२ को दफा ७२ (४)६ र ७२ (४) ७ बमोजिम प्रवक्ताको जिम्मेवारी पाएका हुन् ।

अध्यक्ष समीक्षा बाँस्कोटाले परियारलाई पार्टीको प्रवक्तामा नियुक्त गरेकी हुन् । विवेकशील साझाको संस्थापकमध्येका एक नेता परियार पूर्वपत्रकार हुन् ।

सुनसरीका स्थायीबासी परियारले आमसंचारमा स्नातकोत्तर गरेका छन् भने अमेरिकाबाट पत्रकारिता र अष्ट्रेलियावाट नेतृत्व विकासको सीप सिकेका छन् । एक दशकसम्म कान्तिपुर टेलिभिजनमा सामाजिक मामिला तथा राजनीतिक विषयमा पत्रकारिता गरेका परियारले विवेकशील साझा स्थापनादेखि पार्टीका विभिन्न जिम्मेवारी निभाएका छन् ।

प्रवक्तामा नियुक्त भएपछि नेता परियारले सामाजिक रूपान्तरण र समृद्धिका लागि असल मानिसहरू राजनीतिमा नहोमिएसम्म मुलुकको मुहार फेर्न असम्भव हुने बताए । उनी भ्रष्टाचार विरोधी, इमानदार र मिलनसार युवा नेताकारुपमा चिनिन्छन् ।

प्रकाशित : आश्विन ६, २०७९ २०:२३
प्रतिक्रिया
पठाउनुहोस्

हिमाल र वियन्काले जिते स्वर्ण

कान्तिपुर संवाददाता

काठमाडौँ — आयोजक काठमाडौं खेल मण्डल र न्युरोड टिमका हिमाल विष्ट र एपीएफकी वियन्का राईले केकेएम/एनआरटी खुला टेबलटेनिस प्रतियोगितामा बिहीबार स्वर्ण पदक जितेका छन् । उनीहरू यू–१९ जुनियर सिंगल्समा विजेता भएका हुन् ।

लैनचौरस्थित राष्ट्रिय टेबलटेनिस प्रशिक्षण केन्द्रमा ब्वाइज फाइनलतर्फ हिमालले कान्तिपुर भ्याली पिङपोङ क्लबका विशाल गोलेलाई ११–६, ७–११, ११–६, ११–७ को सेटमा हराए । आयोजकका धनन्जय दाहाल र एपीएफका रुविन महर्जन तेस्रो भए ।

गल्र्स फाइनलमा वियन्काले मोर्डन कलेजकी दिया देउलालाई १२–१०, ८–११, ११–७, ११–८ को सेटमा हराए । आर्मीकी सुस्मिता खड्का र केकेएमकी अन्जु सुवालले कांस्य जिते ।

प्रकाशित : आश्विन ६, २०७९ २०:१६
पूरा पढ्नुहोस्
प्रतिक्रिया
पठाउनुहोस्
x
×