१७.१२°C काठमाडौं
काठमाडौंमा वायुको गुणस्तर: १५७

भावनाले होइन, सुझबुझपूर्ण कुराहरूले देश बन्छ : ओली

काठमाडौँ — प्रमुख प्रतिपक्षी दल एमालेका अध्यक्ष केपी शर्मा ओलीले स्वतन्त्रका नाममा मुलुकमा भावनात्मक कुराले प्रचार पाइरहेको बताएका छन् । उनले भावनात्मक कुराले भन्दा पनि सुझबुझपूर्ण रूपमा देशको नेतृत्व गर्नुपर्ने धारणा राखे । 

भावनाले होइन, सुझबुझपूर्ण कुराहरूले देश बन्छ : ओली

कान्तिपुर मिडिया ग्रुपद्वारा आयोजित तेस्रो कान्तिपुर कन्क्लेभको दोस्रो दिन आइतबार ‘नीति, थिति र राजनीति’ विषयमा बोल्दै ओलीले मुलुकको समग्र प्रतिनिधित्व स्वतन्त्र व्यक्तिहरूले नगर्ने भएकाले राजनीतिक दलको आवश्यकता पर्ने तर्क गरे ।

'कतिपय कुराहरू अहिले नेपालमा भावनात्मक ढंगले चलिरहेको छ । भावनात्मक कुराले देश बन्दैन, सुझबुझपूर्ण कुराहरूले देश बन्छ । युवाहरूलाई अगाडि बढाउनुपर्छ; महिला अगाडि बढाउन अवसर बढाउनुपर्छ । शिक्षाको तहदेखि अवसरसम्म पुग्ने व्यावहारिक रूपमा अवसरमा पुग्ने वातावरण दिनुपर्छ । प्रतिस्पर्धी क्षमताको विकास गर्नुपर्छ । यो उठाएको, बोकेको भरमा पुग्दैन । जगदेखि त्यसको समय लाग्छ,' उनले भने ।

समग्र देशको समस्या हेर्न सक्ने, समस्या बुझ्नसक्ने नेतृत्वका लागि दलीय व्यवस्था चाहिएको ओलीको भनाइ थियो । एकाध स्वतन्त्र व्यक्तिले निर्वाचन जित्दैमा मुलुकको समग्र प्रतिनिधित्व हुन नसक्ने उनले बताए ।

स्वतन्त्रले मुलुकको समग्र राजनीतिक नेतृत्व हुन नसक्ने उनले भने । 'स्वतन्त्रले अपवाद रुपमा जितेका हुन् । चुनावमा यस्तो कुरा भइरहन्छ । सिंगो देशका सबै पक्षलाई समट्नेका लागि दलीय व्यवस्था ल्याएको हुन्छ । दल सबै क्षेत्रलाई समेट्नका लागि चाहिन्छ,' उनले भने, 'स्वतन्त्र व्यक्तिलाई जित्न सक्छन् ।'

प्रकाशित : भाद्र २६, २०७९ १७:३६
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?