विश्वप्रकाश शर्मा भन्छन् : झापाबाटै उठ्छु, प्रेम उता घरजम यता हुने कुरै हुन्न

०७४ मा यो क्षेत्रबाट नेकपा माओवादी केन्द्रका नेता राम कार्की निर्वाचित थिए । शर्माले कार्कीलाई साथै लिएर झापामै उम्मेदवार बन्ने बताएका छन् ।

'फेरि प्रस्ट्याउँ - वाग्मतीको किनारलाई श्रद्धापूर्वक ढोग्ने हो । तर मान्छे म मेची र निन्दा किनारकै हो । काठमाडौं-५ मा चुनाव प्रचारमा पुग्नेछु नै । तर उम्मेदवार बन्न चाहँदा गठबन्धनका अर्का मित्रलाई सम्मानसाथ साथमा लिएर, झापामै उम्मेदवार बन्नेछु,' शर्माले ट्वीट गर्दै भनेका छन्, 'प्रेम उता घरजम यता कुरै हुन्न ।'

झापा-१ मा माओवादी केन्द्रका नेता कार्कीले पनि आकांक्षा राखेका छन् । गठबन्धनमा सिट बाँडफाँड हुँदा झापा-१ कुन दलको भागमा पर्ने भन्ने निश्चित छैन ।

फेरि प्रस्ट्याउँ - वाग्मतीको किनारलाई श्रद्धापुर्वक ढोग्ने हो l तर मान्छे म मेची र निन्दा किनारकै हो !

काठमाडौ ५ मा चुनाव प्रचारमा पुग्नेछुनै l तर उम्मेदवार बन्न चाहँदा गठबन्धनका अर्का मित्रलाई सम्मानसाथ साथमा लिएर, झापामै उम्मेदवार बन्नेछु l प्रेम उता घरजम यता कुरै हुन्न l

— Bishwa Prakash शर्मा (@bishwaprakash77) August 17, 2022