राजनीतिमा महिलाहरूको भूमिका असाधारण छ : केपी ओली

तर महिलाहरूले राजनीति नगरे आधा समाज पछाडि पर्ने उनको भनाइ थियो । 'महिलाले राजनीति नगरे आधा समाजले राजनीति गर्दैन । आधा समाजले राजनीति नगरे आधा समाज पछाडि पर्छ । महिलाले जस्तो भूमिका खेलेका छन् त्यो असाधारण छ । उच्च प्रशंसा गर्न चाहन्छु ।'

पछिल्लो समय राजनीतिप्रति घृणा पैदा भएकोमा असन्तुष्टि व्यक्त गर्दै उनले सुद्ध राजनीति गर्नुपर्ने बताएका थिए । राजनीति देश बनाउने कुरा भएकाले यसलाई घृणा गर्न नहुने उनको भनाइ थियो ।

'आइ हेट पोलिटिक्स भनिन्छ नि । देश बनाउने कुरालाई घृणा गर्नुहुन्छ भने केलाई माया गर्नुहुन्छ ? राजनीति भनेको देश बनाउने कुरा हो । राजनीति जनताका समस्या समाधान गर्ने र समृद्धि गर्ने कुरा हो । राजनीति जनताहरूको सुरक्षा गर्ने कुरा हो । त्यसैले राजनीति केका लागि गर्ने र कस्तो गर्ने भन्ने महत्त्वपूर्ण हो,' अध्यक्ष ओलीले भने ।

मंगलबार काठमाडौंमा आयोजित अखिल नेपाल महिला संघको कार्यक्रमलाई सम्बोधन गर्दै अध्यक्ष ओलीले यस्तो बताएका थिए । यस क्रममा उनले गम्भीर राजनीति गर्नु पर्ने बताए ।

नेता ओलीले राजनीतिमा महिलाहरूको भूमिकाबारे प्रशंसा गरेका थिए । राणा शासनमा नै महिलाहरूले समाजमा जागरण ल्याउने भूमिका खेलेको स्मरण गर्दै उनले महिलाहरूको भूमिकाप्रति प्रशंसा गरेका थिए । साथै उनले महिला आन्दोलनका नाममा विकृतितर्फ जान नहुने र महिलाहरू राजनीतिमा सहभागी हुनुपर्ने सुझाव दिएका थिए ।