कांग्रेसबाट निर्वाचित साढे छ सय जनप्रतिनिधि काठमाडौंमा- समाचार - कान्तिपुर समाचार
कान्तिपुर वेबसाईट
AdvertisementAdvertisement

कांग्रेसबाट निर्वाचित साढे छ सय जनप्रतिनिधि काठमाडौंमा

कान्तिपुर संवाददाता

काठमाडौँ — नेपाली कांग्रेसले सोमबार स्थानीय तहका जनप्रतिनिधिहरूको भेला आयोजना गरेको छ । बैशाख ३० मा भएको स्थानीय तह निर्वाचनमा कांग्रेसबाट निर्वाचित देशभरका जनप्रतिनिधिहरू आइतबार काठमाडौं आइपुगेका छन् ।

कांग्रेसले स्थानीय तहमा निर्वाचित जनप्रतिनिधिहरूलाई स्थानीय सरकार सञ्चालन र कांग्रेसको नीति तथा घोषणापत्रका विषयमा अभिमुखीकरण गर्न लागेको हो ।

सोमबार र मंगलबार अभिमुखीकरण कार्यक्रम हुँदैछ । ललितपुरको होटल हेरिटेज गार्डेनमा हुने अभिमुखीकरण कार्यक्रमको पार्टी सभापति एवम् प्रधानमन्त्री शेरबहादुर देउवाले सोमबार विहान ११ बजे उद्घाटन गर्ने कार्यक्रम रहेको छ ।

सहमहामन्त्री जीवन परियारले कांग्रेसबाट स्थानीय तहमा निर्वाचित जनप्रतिनिधिहरूलाई बधाई तथा शुभकामनासहित अभिमुखीकरण गर्नकालागि भेला आयोजना गरिएको बताए । स्थानीय तह निर्वाचनमा कांग्रेसबाट ३२९ जना प्रमुख÷अध्यक्ष र ३०१ जना उपप्रमुख÷उपाध्यक्ष निर्वाचित भएका थिए ।

प्रकाशित : श्रावण २९, २०७९ २१:४८
प्रतिक्रिया
पठाउनुहोस्

प्राइम बैंकले गर्‍यो लघु कर्जाको बिमा सम्झौता

कान्तिपुर संवाददाता

काठमाडौँ — लघुवित्त तथा विपन्न वर्ग कर्जा सुरक्षणका लागि प्राइम कमर्सियल बैंक र निक्षेप तथा कर्जा सुरक्षण कोषबीच सम्झौता भएको छ । सम्झौतापत्रमा आइतबार कोषका तर्फबाट प्रमुख कार्यकारी अधिकृत रमेश घिमिरे र बैंकका तर्फबाट महाप्रबन्धक सञ्जीव मानन्धरले हस्ताक्षर गरे । 

सम्झौतासँगै प्राइम बैंकले लघुवित्त तथा विपन्न वर्ग कर्जाअन्तर्गत बिनाधितो सामूहिक जमानीमा लगानी गर्नेलाई प्रतिव्यक्ति १० लाख रुपैयाँसम्म, शैक्षिक प्रमाणपत्र धितोमा लगानी गर्नेलाई प्रतिव्यक्ति ७ लाखसम्म, धितो जमानीमा लगानी गर्नेलाई प्रतिव्यक्ति २० लाखसम्म, वैदेशिक रोजगारबाट तालिम लिई फर्केका युवा तथा दलित समुदायका व्यक्तिलाई सामूहिक जमानी वा परियोजना धितोअन्तर्गत १० लाख र महिला उद्यमीका लागि सामूहिक वा परियोजना धितोमा लगानी गर्ने प्रतिव्यक्ति १५ लाख रुपैयाँसम्म सुरक्षण हुने विज्ञप्तिमा उल्लेख छ ।

प्रकाशित : श्रावण २९, २०७९ २१:२९
पूरा पढ्नुहोस्
प्रतिक्रिया
पठाउनुहोस्
x
×