हाजिर गरेर सांसद बाहिरिँदा प्रतिनिधिसभा बैठक स्थगित- समाचार - कान्तिपुर समाचार
कान्तिपुर वेबसाईट
AdvertisementAdvertisement

हाजिर गरेर सांसद बाहिरिँदा प्रतिनिधिसभा बैठक स्थगित

कान्तिपुर संवाददाता

काठमाडौँ — प्रतिनिधिसभाको बैठक सांसदहरू हाजिर गरेर बाहिरिँदा स्थगित हुन पुगेको छ । प्रतिनिधिसभाको आइतबारको बैठकमा सार्वजनिक ऋण व्यवस्थापन विधेयक पारित गर्ने क्रममा सांसदहरूको गणपूरक संख्या ६९ नपुगेको हो । 

सांसदहरू हाजिर गरेर बाहिरिएपछि सभामुख अग्निप्रसाद सापकोटाले १५ मिनेटका लागि बैठक स्थगित गरेका छन् । गणपूरक संख्याको प्रश्न नेमकिपाका सांसद प्रमेख सुवालले उठाएका थिए । त्यसपछि सांसदहरूको उपस्थिति गणना गर्दा ६७ सांसद मात्रै बैठक हलमा थिए ।

कुनै पनि विधेयक निर्णयार्थ प्रस्तुत गर्नका लागि सम्पूर्ण संख्याको एक चौथाइ अर्थात् ६९ सांसद उपस्थित हुनुपर्छ । प्रतिनिधिसभाको आइतबारको बैठकमा काठमाडौं उपत्यका सार्वजनिक यातायात (व्यवस्थापन) प्राधिकरण विधेयक निर्णयार्थ प्रस्तुत गर्ने क्रममा गणपूरक संख्या ९० थियो ।

प्रतिनिधिसभाको आइतबारको बैठकले काठमाडौं उपत्यका सार्वजनिक यातायात र बिमा विधेयक पारित भएका थिए ।

प्रकाशित : श्रावण २९, २०७९ १४:२४
प्रतिक्रिया
पठाउनुहोस्

जनमत र दलित जनजाति पार्टीबीच एउटै चुनाव चिन्ह लिने सहमति

कान्तिपुर संवाददाता

काठमाडौँ — आगामी प्रतिनिधिसभा र प्रदेशसभा सदस्य निर्वाचनमा जनमत पार्टी र दलित जनजाति पार्टीले एउटै चुनाव चिन्ह लिएर चुनाव लड्ने सहमति गरेका छन् ।


जनमत पार्टीका अध्यक्ष सिके राउत र पिछडावर्ग दलित जनजाति पार्टीका अध्यक्ष प्रितम मुखियाबीच एउटै चुनाव चिन्ह लिएर चुनावमा भाग लिने सहमति भएको हो ।

जनमत पार्टी र पिछडावर्ग दलित जनजाति पार्टीले साझा चुनाव चिन्ह 'लाउडस्पीकर हर्न' छाप लिएर आगामी निर्वाचनमा जाने सहमति भएको हो ।

उनीहरूबीच साझा चुनाव चिन्ह लिएर निर्वाचनमा भाग लिने र सहकार्य गर्ने सहमति भएको हो । स्थानीय तहको निर्वाचनमा जनमत पार्टी एक्लै निर्वाचनमा सहभागी भएको थियो ।

प्रकाशित : श्रावण २९, २०७९ १४:१४
पूरा पढ्नुहोस्
प्रतिक्रिया
पठाउनुहोस्
x
×