२८.१२°C काठमाडौं
विभिन्न मन्त्रालयका १२९ दरबन्दी मन्त्रिपरिषद्बाट स्वीकृत
काठमाडौँ — सरकारले एकैपटक विभिन्न तीन वटा मन्त्रालयमा १२९ वटा अस्थायी दरबन्दी सिर्जना गरेको छ । निर्वाचनको मिति घोषणा गरेपछि पनि सरकारले कर्मचारी नियुक्ति गर्न छोडेको छैन ।
बिहीबार बसेको मन्त्रिपरिषद् बैठकले ऊर्जा जलश्रोत तथा सिंचाई मन्त्रालय, कानुन न्याय तथा संसदीय मामिला मन्त्रालय र कृषि तथा पशुपन्छी विकास मन्त्रालयमा १२९ वटा अस्थायी दरबन्दी स्वीकृत गरेको छ ।
सञ्चारमन्त्री ज्ञानेन्द्रबहादुर कार्कीले विभिन्न आयोजनाहरूकालागि राजपत्रांङ्कित श्रेणीका १२९ पदहरूको अस्थायी दरबन्दी स्वाकृत गर्ने निर्णय गरेको जानकारी दिए ।
उनकाअनुसार ऊर्जा मन्त्रालयमा ५१, कानुन मन्त्रालयमा ५८ र कृषि मन्त्रालयमा २० वटा राजपत्रांकित श्रेणीका पदहरूको अस्थायी दरबन्दी स्वीकृत गरेको हो ।
प्रकाशित : श्रावण २९, २०७९ १३:१०प्रतिक्रिया
