एमालेको मापदण्ड जित्नेलाई टिकट : नेम्वाङ

मंसिर ४ गते हुने प्रदेश र प्रतिनिधिसभा निर्वाचनमा जित्ने उम्मेदवार पार्टीको प्रमुख एजेन्डा भएको उनले बताए । ‘हामीले स्थानीय तह निर्वाचनलाई नजिकबाट नियालेका छौं,’ नेम्वाङले भने, ‘उम्मेदवार मिलाएको भए, आफ्नै खुट्टामा खुट्टा, पेन्टमा पेन्ट नअल्झाएको भए ५०/६० सिट बढी जित्थ्यौं ।’ अबको निर्वाचनमा त्यस्तो हुन नदिन सबै नेता, कार्यकर्ता एक हुन उनले आग्रह गरे ।

एमालेलाई घेराबन्दी गरिएको र त्यो घेराबन्दी तोड्न पार्टीभित्र एक हुनुपर्ने सल्लाह उनको छ । ‘आफ्नो थैली बलियो बनाइयो भने अर्कालाई चोर दोष लगाउनु पर्दैन,’ नेम्वाङले भने, ‘हामी आफू बलियो हौं अरुसॅग डराउनु र आत्तिनु पर्दैन ।’

विचार मिल्ने पार्टीबीच अझै पनि एकता हुनसक्ने नेम्वाङ बताउॅछन् । कामचलाउन भएर पनि सरकारले कतिपय दुरगामी निर्णय गरेको भन्दै उनले असन्तुष्टि व्यक्त गरे । ‘वर्तमान सरकार कामचलाउ भइसकेकाले दुरगामी महत्व राख्ने निर्णय गर्न पाउँदैन, तैपनि कतिपय त्यस्ता काम भइरहेको सुनेको र त्यो गलत भएको उनको दाबी छ ।