सिट बाँडफाँटबारे छलफल गर्न कांग्रेस शीर्ष नेताको बैठक बस्दै- समाचार - कान्तिपुर समाचार

सिट बाँडफाँटबारे छलफल गर्न कांग्रेस शीर्ष नेताको बैठक बस्दै

कान्तिपुर संवाददाता

काठमाडौँ — सत्तारुढ नेपाली कांग्रेसका सभापति एवम् प्रधानमन्त्री शेरबहादुर देउवाले पार्टीका नेताहरुलाई छलफलका लागि बोलाएका छन् । 

आगामी मंसिर ४ गते हुने निर्वाचनमा सत्ता गठबन्धनमा रहेका दलहरुसँग चुनावी तालमेल गर्ने सहमति गरेका देउवाले सिट बाँडफाँटमा पार्टीले कसरी, कुन आधारमा कति सिट लिने भन्ने टुंगो लगाउन पार्टीका शीर्ष नेताहरुको बैठक राखेका छन् ।

बैठक सोमबार बिहान साढे ९ बजे प्रधानमन्त्रीको सरकारी निवास बालुवाटारमा बस्दैछ । स्रोतका अनुासर बैठकमा पार्टीका पदाधिकारी र पूर्वपदाधिकारीहरुलाई बोलाइएको छ ।

'चुनावको मिति तोकिएको छ । गठबन्धन गरेर जाने पार्टीकै निर्णय हो । तर अब सिट बाँडफाँटको विषय उठिरहेको छ, जुन एकदमै पेचिलो छ,' ती नेताले भने, 'सिट बाँडफाँटबारे छलफल गर्न सभापतिजीले बैठक राख्नुभएको छ ।'

बैठकमा गठबन्धनमा सिट बाँडफाँट गर्न बनेको कार्यदलमा सदस्य रहेका नेताहरु समेत सहभागी हुनेछन् । कार्यदलको बैठक पनि सोमबारै बस्दैछ । पार्टीको बैठकमा छलफल भएपछि गठबन्धनमा कसरी प्रस्तुत हुने भनेर टुंगो लाग्ने नेताहरुको भनाइ छ ।

कांग्रेसले असार अन्तिम साता बसेको केन्द्रीय समिति बैठकबाट आगामी निर्वाचनमा गठबन्धन गर्ने निर्णय गरेको थियो ।

प्रकाशित : श्रावण २३, २०७९ ०८:४१
प्रतिक्रिया
पठाउनुहोस्

स्वास्थ्यकर्मी नहुँदा हेमोडायलसिस प्रभावित

कान्तिपुर संवाददाता

म्याग्दी — बेनी अस्पतालमा दरबन्दीअनुसार स्वास्थ्यकर्मी नहुँदा मिर्गौला फेल भई नियमित डायलसिस गराउनुपर्ने बिरामीले समयमै सेवा पाउन सकेका छैनन् । अस्पतालमा हाल म्याग्दी, पर्वत र बागलुङका गरी २० बिरामीले नियमित डायलसिस गराइरहेका छन् । तर स्वास्थ्यकर्मी नहुँदा थप ११ बिरामी पालो पर्खेर बसिरहेका छन् ।

सरकारी अस्पतालमा निःशुल्क हुने उक्त सेवा पालो पर्खेका बिरामीले पोखरा, काठमाडौंका निजी अस्पतालमा प्रत्येक पटक ७ देखि १२ हजार शुल्क तिर्न बाध्य छन् ।

‘नाम लेखाई पालो पर्खनुपर्छ । बिरामीलाई मेसिनमा जोडेपछि अविच्छिन्न स्वास्थ्यकर्मीको निगरानी चाहिन्छ । तीन जना मात्र स्वास्थ्यकर्मी भएकाले दैनिक १०–१२ घण्टा खट्नुपर्ने हुन्छ,’ अस्पताल हेमोडायलसिस युनिटकी सिनियर अनमी सुमित्रा पुनले भनिन्, ‘थप तीन जना तालिम प्राप्त स्वास्थ्यकर्मी भए पालो पर्खेका ११ जनालाई पनि सेवा दिन सकिन्थ्यो ।’

डायलसिसमा जनशक्ति अभाव मात्र होइन, विद्युत् आपूर्तिमा पनि समस्या हुने गरेको छ । अकस्मात् विद्युत् जाने र समयमै जेनेरेटरसमेत चलाउन नसक्ने अवस्थामा डायलसिस गरिरहेको बिरामीको स्वास्थ्य जोखिममा पर्ने स्वास्थ्यकर्मी बताउँछन् ।

प्रकाशित : श्रावण २३, २०७९ ०८:३९
पूरा पढ्नुहोस्
प्रतिक्रिया
पठाउनुहोस्
×