अलपत्र ज्येष्ठ नागरिक ग्राम विवादमा मुछिएकी अध्यक्ष पराजुलीको बचाउमा महिला आयोग
काठमाडौँ — काठमाडौंको शंखरापुरस्थित निर्माण सुरु गरी अलपत्र ‘संकल्प ज्येष्ठ नागरिक ग्राम’मा भएको अनियमितता विवादमा मुछिएकी राष्ट्रिय महिला आयोगकी अध्यक्ष कमला पराजुलीको बचाउमा आयोग लागेको देखिएको छ ।
आयोगकी उपसचिव एवम् प्रवक्ता चमिला भट्टराईले बुधबार विज्ञप्ति जारी गरी सञ्चारमाध्यमहरुमा भ्रमपूर्ण, तथ्यहीन समाचार प्रकाशन गरेर राष्ट्रिय तथा अन्तर्राष्ट्रियरुपमा आफ्नो छवि धमिल्याउने, आत्मसम्मानमा चोट पुर्याउनेलगायत गतिविधिमा अध्यक्ष पराजुलीले गम्भीर आपत्ति जनाएको उल्लेख छ ।
अध्यक्ष पराजुलीले आफूबाट कुनै पनि समयमा कुनै किसिमको गलत कार्य नभएको र आफूविरुद्ध लगाइएको लाञ्छनाउपर सम्बन्धित निकायमा निष्पक्ष छानबिन भइ दोषी प्रमाणित भए आफू सजाय भोग्न तयार रहेको जनाएको पनि विज्ञप्तिमा छ ।
- संकल्प ज्येष्ठ नागरिक ग्रामलाई रकम फकाउन महालेखाको ताकेता
- संसदीय समितिमा महिला आयोगको औचित्यमाथि प्रश्न
प्रतिक्रिया