कान्तिपुर वेबसाईट
AdvertisementAdvertisement
२२.१२°C काठमाडौं
काठमाडौंमा वायुको गुणस्तर: १५५

मनसुन निस्क्रिय हुँदा गर्मी बढ्यो, एक/दुई दिनमै वर्षा हुन्छ : मौसमविद्‍

काठमाडौँ — मौसमविद्हरूले मनसुन निस्क्रिय हुँदा देशभर गर्मी बढेको बताएका छन् । उनीहरूले केही दिनयता मनसुन निस्क्रिय भएको अवस्थामा गर्मी बढेको बताएका हुन् ।

मनसुन निस्क्रिय हुँदा गर्मी बढ्यो, एक/दुई दिनमै वर्षा हुन्छ : मौसमविद्‍

जल तथा मौसम विज्ञान विभाग जलवायु शाखाकी मौसमविद् विभूति पोखरेलले हाल देशका विभिन्न भागहरूमा तापक्रम बढी अत्यधिक गर्मी हुनु स्वभाविक रहेको बताएकी छन् ।

मनसुन निस्क्रिय भएको अवस्थामा गर्मीको अनुभव भएको उनको भनाइ छ । उनले मनसुन न्यून चापीय रेखा एक, दुई दिनभित्रै माथि आउने र वर्षा हुन सुरु हुनासाथ गर्मी हटेर जाने बताइन् ।

‘देशको विभिन्न भागमा तापक्रम बढेको, अत्यधिक गर्मीको जुन अनुभव गरिएको छ, यो मनसुनमा अलिकति ब्रेक हुने बित्तिकै, वर्षा नहुने बित्तिकै अलि गर्मीको अनुभव हुन्छ । यो दुईवटा लगभग सम्बन्धित जस्तै भन्नुपर्छ । वर्षा हुने बित्तिकै शीतल हुने, पानी नपर्ने लामै जस्तो भएको भएर पनि गर्मी बढेकै भयो । तापक्रम बढेको महसुस भइराखेको छ । वर्षाको क्रमसँगै बिस्तारै शीतल अनुभव गर्न सक्छौं,’ मौसमविद्‍ पोखरेलको भनाइ छ ।

मौसमविद्‍ पोखरेलका अनुसार प्रदेश नम्बर १, मधेश प्रदेश र वाग्मती प्रदेशमा हालसम्म सरदरभन्दा बढी वर्षा देखिएको छ । उस्तै लुम्बिनी प्रदेश, कर्णाली प्रदेश र सुदूरपश्चिम प्रदेशमा भने सरदरभन्दा कम वर्षा भइरहेको छ ।

यस्तै मनसुनको समयमा बाढी, पहिरोका कारण धनजनको क्षति हुनसक्ने भएकाले जल तथा मौसम विज्ञान विभागले दिने गरेका सूचनाहरूलाई ध्यान दिन पनि पोखरेलको आग्रह थियो।

प्रकाशित : श्रावण ३, २०७९ १३:५३
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?