'पोस्ट इलेक्सन' गठबन्धनको निर्क्योल हुनुपर्छ : सहमहामन्त्री परियार

उनले सभापति देउवाले अन्य दलसँगको गठबन्धनभन्दा पार्टीभित्रैको आन्तरिक एकतामा जोड दिनुपर्ने बताए ।

‘पार्टीमा सभापतिज्यूले प्रतिस्पर्धीहरूलाई हेर्ने नजर गलत छ । दलभित्रको आन्तरिक एकता मजबुद नभए अरु शक्तिसँग गरेको गठबन्धनको अर्थ हुँदैन,’ सहमहामन्त्री परियारलाई उदृत गर्दै एक केन्द्रीय सदस्यले भने, ‘त्यसकारण सबै तहमा पार्टीका प्रतिस्पर्धीहरूको सम्मान हुनुपर्छ, तबमात्रै दलभित्रको आन्तरिक एकता मजबुद हुन्छ ।’

सहमहामन्त्री परियारले स्थानीय तह निर्वाचनमा टिकट बितरणमा त्रुटि भएको भन्दै संघ र प्रदेशको निर्वाचनमा त्यस्तो त्रुटि दोहोरिन नहुने बताए ।

‘टिकट वितरणमा कार्यकर्ताको न्याय गरौँ, अन्य दलसँग जस्तै पार्टीभित्रका शक्तिहरूबीचमा पनि सहकार्यको अभ्यास गरौँ, सम्मान गरौँ, तबमात्रै चुनावको नतिजा राम्रो आउन सक्छ,’ उनले भने ।