निर्दोष सावित भएपछि शर्मा नै अर्थमन्त्री बन्नुहुन्छ : पुन

जनार्दश शर्माले अर्थ मन्त्रालयबाट राजीनामा दिएपछि माओवादी वा कांग्रेसले अर्को नेतालाई अर्थ मन्त्रालयमा पठाउन सक्ने अपेक्षा गरिएका बेला नेता पुनले यस्तो प्रतिक्रिया दिएका हुन् ।

बुधबार संसद्‍ बैठकपछि बाहिर निस्किएर नेता पुनले यस्तो प्रतिक्रिया दिएका थिए । साथै छानबिनबाट निर्दोष सावित भएपछि जनार्दन शर्मा नै अर्थमन्त्रीको रुपमा जाने पनि पुनको भनाइ थियो ।

साथै अर्थमन्त्री शर्माले उच्च नैतिकता देखाएर राजीनामा दिएको पुनको भनाइ थियो । यद्यपि प्रश्न उठेपछि शर्माले राजीनामा दिनु अनिवार्य भएको उनले बताए ।

यस्तै प्रमुख प्रतिपक्षी दलका नेताहरूले पुष्टि भए झैँ गरी शर्मालाई कारबाही गर्नुपर्ने भन्दै माग गरेकोमा पुनले आपत्ति जनाएका थिए । साथै प्रतिपक्षी दलका सांसद योगेश भट्टराईको अभिव्यक्तिलाई लक्षित गर्दै त्यसमा पूर्वाग्रह भएको उनले बताए ।