एमालेद्वारा विभागीय सचिवहरु मनोनयन, प्रचारमा गगन विष्ट- समाचार - कान्तिपुर समाचार

एमालेद्वारा विभागीय सचिवहरु मनोनयन, प्रचारमा गगन विष्ट

कान्तिपुर संवाददाता

काठमाडौँ — नेकपा एमालेले आफ्नो विभिन्न विभागहरुको सचिवहरु मनोनयन गरेको छ । एमाले केन्द्रीय सचिवालयको आइतबार भएको बैठकले प्रचार तथा प्रकाशनको सचिवमा गगन विष्ट, संगठन विभागमा सम्झना देवकोटा, परराष्ट्र मामिलाको सचिवमा अञ्जान शाक्यलाई मनोनयन गरेको हो ।

त्यसैगरी केही नया विभागहरु गठन गर्ने निर्णय समेत गरेको प्रचार विभागका प्रमुख पृथ्वीसुब्बा गुरुङले जानकारी दिएका उनका अनुसार भौतिक पूर्वाधार तथा यातायात व्यवस्था विभाग, वन तथा वातावरण विभाग र अर्थ तथा योजना विभाग गठन गर्ने निर्णय गरेको बताए ।

विभागका सचिवहरु

वित्त तथा कोष व्यवस्थापन - भीष्म अधिकारी

संगठन विभाग - सम्झना देवकोटा

उपभोक्ता हित संरक्षण - मोहिनी खनाल

श्रम तथा रोजागार - जनक चौधरी

संसदीय विभाग - सूर्य पाठक

सामाजिक सेवा - नेत्रप्रसाद तिम्सिना

सांस्कृतिक - राजेश थापा

स्थानीय तह विकास - हर्क राई

प्रचार तथा प्रशासन - गगन विष्ट

परराष्ट्र मामिला - अञ्जान शाक्य

संघीय मामिला तथा सामान्य प्रशासन - शिव गुरुङ

उर्जा तथा जलस्रोत - पुष्पज्योति ढुंगाना

अर्थ तथा योजना - योगेन्द्र शाही

कानुन - डिल्लीराम मैनाली

प्रकाशित : असार १९, २०७९ १८:३४
प्रतिक्रिया
पठाउनुहोस्

जन्ती बोकेको ट्याक्टर दुर्घटना हुँदा एकको मृत्यु

सुवास विडारी

मकवानपुर — मकवानपुरको पूर्वी क्षेत्रमा रहेको वाग्मती गाउँपालिका–७ स्थित धरान चतरा सडकखण्डमा जन्ती बोकेको ट्याक्टर दुर्घटना हुँदा एक जनाको घटनास्थलमै मृत्यु भएको छ ।

घटनास्थल हेटौंडाबाट करिब ५० किलोमिटर पूर्वतर्फ पर्छ । मृत्यु हुनेमा कक्षा १० मा पढ्ने करिब १६ वर्षीय विद्यार्थी रहेको प्रहरीले जनाएको छ ।

आइतबार दिउँदो करिब ४ बजे वाग्मती–९ स्थित बेतिनीबाट सिन्धुलीमा वेहुली लिन जन्ती हिँडेको ना. ८ त ८०७३ नम्बरको ट्याक्टर सडकबाट पल्टेर दुर्घटना हुँदा ट्याक्टरमा सवार २१ जना घाइते भएको जिल्ला प्रहरी कार्यालय मकवानपुरका प्रहरी प्रवक्ता टेकबहादुर कार्कीले जानकारी दिए ।

उनका अनुसार दुर्घटनामा ७ जना गम्भीर घाइते भएको र उपचारका लागि एम्बुलेन्समा हेटौंडा अस्पताल ल्याइएको जानकारी दिए ।

प्रकाशित : असार १९, २०७९ १८:२५
पूरा पढ्नुहोस्
प्रतिक्रिया
पठाउनुहोस्
x
×