बढी सामाजिक सुरक्षा भत्ता बाँड्दा राष्ट्रले धान्नै नसक्ने अवस्था आउन सक्छ : सिलवाल- समाचार - कान्तिपुर समाचार
कान्तिपुर वेबसाईट
AdvertisementAdvertisement

बढी सामाजिक सुरक्षा भत्ता बाँड्दा राष्ट्रले धान्नै नसक्ने अवस्था आउन सक्छ : सिलवाल

'भत्ता दिएर अल्छी बनाएर राख्ने कि आर्जन गर्नका लागि राज्यले प्रेरित गर्ने'
कान्तिपुर संवाददाता

काठमाडौँ — नेकपा (एमाले) का सांसद नवराज सिलवालले लोकप्रियताका लागि बढी सामाजिक सुरक्षा भत्ता बाँड्दा राष्ट्रले धान्न नसक्ने अवस्था सक्ने बताएका छन् ।


शुक्रबार प्रतिनिधिसभाअन्तर्गतको राज्य व्यवस्था तथा सुशासन समितिको बैठकमा ‘सामाजिक सुरक्षा ऐन, २०७५ लाई संशोधन गर्न बनेको विधेयकमाथिको छलफल’मा सांसद सिलवालले श्रम गर्नसक्ने एकल महिलाहरुलाई भत्ता दिनुभन्दा आयआर्जनका काममा लाग्न राज्यले प्रेरित गर्नुपर्ने बताए ।

कुनै श्रममा तथा आयआर्जनमा नजोडिएका एकल महिलालाई मात्र भत्ता दिनुपर्ने उनको धारणा थियो । ‘जो सक्षम छ । जो एकल छ, ऊ कमाउँछ । श्रम गर्नसक्छ । पढेको छ । उसलाई भत्ता दिएर अल्छी बनाएर राख्ने कि आर्जन गर्नका लागि, अवसरको लागि पनि प्रेरित गर्ने राज्यले । सक्षम, योग्य छ भने उसले भत्तामा बस्ने होइन कि काम गर्न थाल्ने । त्यस्ता खालकामहिलाहरु अन्य कुनै श्रमको, आयआर्जन सँग नजोडिएको अवस्थाको भनेर लेखौँ ,’उनले भने ।

प्रकाशित : असार १७, २०७९ १७:१२
प्रतिक्रिया
पठाउनुहोस्

प्रेम सुवाल भन्छन् : धनीको सूची प्रकाशित गरौँ

कान्तिपुर संवाददाता

काठमाडौँ — नेपाल मजदुर किसान पार्टीका सांसद प्रेम सुवालले राज्यले धेरै धन, सम्पत्ति हुने मान्छेहरुको नाम सार्वजनिक गर्नुपर्ने बताएका छन् ।

शुक्रबार प्रतिनिधिसभाअन्तर्गतको राज्य व्यवस्था तथा सुशासन समितिको बैठकमा ‘सामाजिक सुरक्षा ऐन, २०७५ लाई संशोधन गर्न बनेको विधेयकमाथिको छलफल’मा सांसद सुवालले धनी मान्छेहरुको नाम प्रतिष्ठित व्यक्तिको नाममा सूची बनाएर सार्वजनिक गर्नुपर्ने बताएका हुन् ।

‘राज्यले धनी मान्छेहरुको नाम प्रतिष्ठा र इज्जतको हो भनेर सार्वजनिक गराउनुपर्छ केही सम्पत्तिलाई । जसको धेरै सम्पत्ति छ, धेरै प्रतिष्ठित मान्छे हो तपाईंहरु भनेर सम्पत्ति सार्वजनिक गराउनुपर्‍यो । धनीको सूची प्रकाशित गरौँ । भत्तासँगै उमेर भएका मान्छेहरुलाई सीपमूलक रोजगारी दिउँ,’ उनले भने ।

उमेर भएका मान्छेहरुलाई सामाजिक सुरक्षा भत्ता सँगसँगै सीपमूलक तालिम दिएर स्वरोजगार बनाउनुपर्ने पनि बताए ।

प्रकाशित : असार १७, २०७९ १७:००
पूरा पढ्नुहोस्
प्रतिक्रिया
पठाउनुहोस्
x
×