प्रधानमन्त्रीलाई कोइरालाको प्रश्न : अर्बौं चलखेलका आरोपित अर्थमन्त्रीलाई किन कारबाही नगरेको ?- समाचार - कान्तिपुर समाचार
कान्तिपुर वेबसाईट
AdvertisementAdvertisement

प्रधानमन्त्रीलाई कोइरालाको प्रश्न : अर्बौं चलखेलका आरोपित अर्थमन्त्रीलाई किन कारबाही नगरेको ?

कान्तिपुर संवाददाता

काठमाडौँ — नेपाली कांग्रेसका नेता शेखर कोइरालाले मुलुकको अर्थ व्यवस्था चौपट हुँदा पनि प्रधानमन्त्रीले ठोस कदम नचाल्नु दु:खद भएको बताएका छन् । उनले अर्थ मन्त्रालयमा भएको अर्बौँको चलखेल र लेनदेनबाट मन्त्री आरोपित हुँदा समेत प्रधानमन्त्री शेरबहादुर देउवाले कारबाही नगरेको भन्दै प्रश्न उठाएका छन् । 

'अर्थ मन्त्रालयमा भएको अर्बौंको चलखेल र लेनदेनबाट मन्त्री आरोपित छन । प्रधानमन्त्रीले किन कारबाही नगरेको ? के स्वार्थ छ ?,' बिहीबार काठमाडौंमा आफूनिकट नेताहरुसँगको छलफलमा कोइरालाले भनेका छन् ।

नेता कोइरालाले प्रधानमन्त्री देउवाले राष्ट्रहित र आम नागरिकको हितलाई केन्द्रमा राखेर काम गर्नुपर्ने बताएका छन् । उनले निर्वाचनको मुखमा हुने यस्ता जघन्य आर्थिक विचलनले मुलुकलाई बर्बाद गर्ने र ब्यबस नै दाउमा पर्ने धारणा राखे । 'राष्ट्रहित र आम नागरिकको हितभन्दा कांग्रेस पार्टी र सभापति देउवा वा अरु कसैको किमार्थ हित हुनुहुँदैन । तर चुनाव अगाडि भएका यस्ता जघन्य आर्थिक विचलनले मुलुकलाई बर्बाद मात्र गर्दैन, व्यवस्था नै नागरिकको कठघरामा उभिन्छ,' नेता कोइरालाले भने ।

उनले पार्टीको सरकार भएको बेला राम्रो काम गर्ने पार्टीको रूपमा जनतामाझ चिनिएर पार्टी राष्ट्रिय अन्तर्राष्ट्रिय स्तरमा विस्तार हुनुपर्ने आफूहरूको चाहना भएको बताए ।

'अहिले हामी सबैले माथि उठेर यतिखेर देशको चिन्ताजनक अवस्था छ भनी बुझ्नुपर्छ । बीपीले भन्नुहुन्थ्यो, 'देश रहे न हामी रहन्छौँ राजनीति गर्छौं,' राष्ट्रको यो संकटपूर्ण घडीमा जनताले हामीबाट आशा र भरोसा गरेका छन् । हाम्रा अगाडिका कदमहरू ती जनताको भरोसा र विश्वास अनुकुल कसरी गर्ने ? हामी यसमा केन्द्रित हुनु आवश्यक छ,' उनले भनेका छन् ।

प्रकाशित : असार १६, २०७९ २०:१२
प्रतिक्रिया
पठाउनुहोस्

कोइरालाको ब्रिफिङ : कम्युनिस्ट फुटे पनि कांग्रेसका लागि कुनै क्षेत्र सुरक्षित छैन

कान्तिपुर संवाददाता

काठमाडौँ — नेपाली कांग्रेसका नेता शेखर कोइरालाले कम्युनिस्ट पार्टीहरू फुटे पनि कुनै पनि निर्वाचन क्षेत्र कांग्रेसका लागि सुरक्षित रहेको अनुभूति गर्ने अवस्था नरहेको बताएका छन् । काठमाडौंमा बिहीबार आफूपक्षीय पार्टीका पदाधिकारी र केन्द्रीय सदस्यहरुको बैठकमा नेता कोइरालाले यस्तो बिफ्रिङ गरेका हुन् ।

उनले ०७४ को निर्वाचनमा सबै कम्युनिस्टहरू एक हुँदा र अहिले विभाजित हुँदाको अवस्थामा पार्टीको संगठन र प्रभावमा कुनै फरक नरहेको बताए ।

'आज कम्युनिस्ट विभाजित अवस्थामा छन् । तर कुनै पनि निर्वाचन क्षेत्र कांग्रेसका लागि सुरक्षित छैन भन्ने जस्तो अवस्था छ,' बैठकमा कोइरालाले भनेका थिए ।

यो पनि :

सरकार नै माओवादीले चलाएको भन्ने सन्देश प्रवाह भएको छ : कोइराला

कोइराला समूहले भन्यो : पार्टी विधानसम्मत चल्न सकेन

प्रकाशित : असार १६, २०७९ २०:०५
पूरा पढ्नुहोस्
प्रतिक्रिया
पठाउनुहोस्
×