अस्पतालका कर्मचारी बोकेको बस सडकबाट खस्दा ४० घाइते
काभ्रे — अपांग बाल अस्पताल तथा पुनर्स्थापना केन्द्रका कर्मचारी बोकेको बस सडक डिलबाट खस्दा ४० जना घाइते भएका छन् ।
कर्मचारी बोकेर निस्केको बनेपा-१० स्थित अस्पतालको बा१ज ५७४७ नम्बरको मिनिबस बाइकलाई साइड दिने क्रममा सडकको डिल भासिएपछि खसेको जिल्ला ट्राफिक प्रहरी प्रमुख प्रहरी निरीक्षक राजेश सिलवालले जानकारी दिए।
अस्पतालबाट निस्केको केही समयमा नै बस दुर्घटनामा परेको थियो । घाइतेको बनेपास्थित शिर मेमोरियल अस्पतालमा उपचार भइरहेको प्रहरीले जनाएको छ ।
प्रकाशित : असार १६, २०७९ १८:१३प्रतिक्रिया