नागरिकता विधेयक पारित गर्न एमाले सकारात्मक छ : कानुनमन्त्री- समाचार - कान्तिपुर समाचार
कान्तिपुर वेबसाईट
AdvertisementAdvertisement

नागरिकता विधेयक पारित गर्न एमाले सकारात्मक छ : कानुनमन्त्री

कान्तिपुर संवाददाता

काठमाडौँ — कानुन, न्याय तथा संसदीय मामिलामन्त्री गोविन्द्रप्रसाद शर्मा कोइरालाले संसद्को चालू अधिवेशनमै नागरिकता ऐन सम्बन्धि विधेयक पारित हुने बताएका छन् । 

प्रमुख प्रतिपक्ष दल एमालेसमेत नागरिकता विधेयक पारित गर्न सकारात्मक रहेको उल्लेख गर्दै मन्त्री कोइरालाले चालू अधिवेशनभित्रै पारित हुने बताएका हुन् ।

६४औं संसद् दिवसको अवसर पारेर बिहीबार काठमाडौंमा आयोजित एक कार्यक्रममा बोल्दै उनले नागरिकता ऐनसम्बन्धी विधेयकमा धेरै विवाद रहेकाले त्यसलाई विवादरहित बनाउन सरकारले गृहकार्य गरिरहेको बताए । राज्य व्यवस्था समितिमा समेत सो विधेयकमा देखिएका विवाद निरुपण नभएको भन्दै मन्त्री कोइरालाले त्यसमा साझा बनाएर बनाएर अघि बढ्न सरकार लागि परेको बताए ।

‘नागरिकता ऐन अहिले सरकारको र प्रमुख प्रतिपक्षको पनि प्रमुख सरोकार र सबै दलहरुको पनि प्रमुख सरोकारको विषय हो । केवल सरकारको मात्रै होइन । यसलाई जसरी पनि यही अधिवेशनमा ब्रेक थ्रू गर्ने गर्ने कुरालाई चाहिँ सरकारले गरिरहेको छ र यसमा प्रमुख प्रतिपक्षी एकदमै सकारात्मक हुनुहुन्छ । म उहाँहरुको त्यो सकारात्मक कुरालाई एप्रिसिएट गर्न चाहन्छु । राज्य व्यवस्था समितिमा गएर पनि विवादसहितको डकुमेन्ट आएको छ । सिटिजनसिपजस्तो विषयमा हामीले विवाद गर्नु हुँदैन । त्यसैले साझा धारणा बनाएर यसलाई अघि बढाऔं भन्ने विषयमा सरकार छ र त्यसमा प्रमुख प्रतिपक्षसहितका अरु साथीहरु धेरै सकारात्मक हुनुहुन्छ । यो चाँडै आउँछ,’ उनले भने ।

मन्त्री कोइरालाले संसद्लाई प्रभावकारी बनाउन सांसदहरुले योगदान दिन नसकेको भन्दै असन्तुष्टिसमेत व्यक्त गरे । सांसदहरुको उपस्थिति नै नभइदिँदा कानुन निर्माणमा ढिलाइ भएको पनि उनको भनाइ थियो ।

प्रकाशित : असार १६, २०७९ १५:११
प्रतिक्रिया
पठाउनुहोस्

सेयर बजारमा छलाङ, नेप्सेले २ हजार नाघ्यो 

कान्तिपुर संवाददाता

काठमाडौँ — बिहीबार पनि सेयर बजार उच्च अंकले बढेको छ । नेप्से परिसूचकले २ हजार अंक नाघेको छ । कुल २ अर्ब ४५ करोड रुपैयाँको कारोबार हुँदा नेप्से परिसूचक ७४.९३ अंक बढेर २०३७ अंकमा कायम भएको हो । सबै सूचकमा हरियाली छाएको छ ।

बैंकिङ २९, विकास बैंक २०२, फाइनान्स १००, होटल तथा पर्यटन १२७, जलविद्युत् १०६, लगानी २, जीवन बीमा २९६, उत्पादन २५०, माइक्रोफाइनान्स २०४, निर्जीवन बीमा ३७८, अन्य ८६ र ब्यापार उपसमूह १२६ अंक बढे । २ कम्पनीको मूल्य घट्यो भने अरु सबै १९१ कम्पनीको मूल्य बढ्यो ।

झण्डै १ दर्जन कम्पनीको मूल्य साढे ९ प्रतिशतभन्दा धेरैले बढेको छ । नेपाल फाइनान्स, मैलुङखोला र न्यादी हाइड्रोको मूल्य ठिक १० प्रतिशत बढ्यो । आँधिखोला लघुवित्त, सीवाईसी लघुवित्त र सूर्योदय वमी लघुवित्तको मूल्य ९.९ प्रतिशत बढ्यो । कर्पाेरेट डेभलपमेन्ट बैंक, शिवम् सिमेन्ट, रिलायन्स फाइनान्स तथा पन्चकन्या माई र नेपाल पुनर्बीमाको मूल्य साढे ९ प्रतिशत बढ्यो ।कारोबार रकमका आधारमा शिवम् सिमेन्ट, हिमालयन डिस्टिलरी, एसियन लाइफ, अरुणकाबेली पावर, लाइफ इन्स्योरेन्स कर्पोरेसन क्रमश: अगाडि रहे ।


प्रकाशित : असार १६, २०७९ १५:१०
पूरा पढ्नुहोस्
प्रतिक्रिया
पठाउनुहोस्
×