भारतीय गुप्तचर संस्था 'रअ'का प्रमुख गोयलको कार्यकाल एक वर्ष थप- समाचार - कान्तिपुर समाचार

भारतीय गुप्तचर संस्था 'रअ'का प्रमुख गोयलको कार्यकाल एक वर्ष थप

कान्तिपुर संवाददाता

काठमाडौँ — भारत सरकारले बाह्य गुप्तचार संस्था 'रिसर्च एन्ड एनालाइसिस विङ्स (रअ)'का प्रमुख सामन्तकुमार गोयलको कार्यकाल एक वर्ष थपेको छ । भारतीय मन्त्रिपरिषद्को नियुक्त समितिले गोयलको कार्यकाल एक वर्ष थप्ने निर्णय गरेको हो ।यो निर्णयसँगै गोयल २०२३ जुन ३० सम्म 'रअ'को प्रमुख हुनेछन् ।

सन् १९८४ पञ्जाब ब्याचका आइपिएस अफिसर्स गोयल सन् २०१९ जुनमा ३ वर्षका लागि 'रअ'को प्रमुख बनेका थिए । २०७७ कातिकको पहिलो साता गोयलले नेपाल भ्रमण गरेका थिए । उनको उक्त भ्रमण निकै बिबादमा परेको थियो ।

गोयलले तत्कालीन प्रधानमन्त्री केपी शर्मा ओलीसँग प्रधानमन्त्री निवास बालुवाटारमा नै छलफल गरेका थिए । भारतीय प्रधानमन्त्री नरेन्द्र मोदीको दूतको रुपमा नेपाल आएका उनलाई तत्कालिन प्रधानमन्त्री ओलीले बालुवाटारमा नै एकल भेट गरेपछि राजनीतिक बृत्तमा तरंग आएको थियो । विषेश गरी तत्कालिन नेकपा छिन्नभिन्न हुने विभिन्न मध्ये गोयललाई ‌ओलीले बालुवाटारमै गरेको भेट पनि एउटा कारण थियो ।

यसैगरी भारतले 'इन्टलिजेन्स ब्यूरो' को प्रमुखमा तपनकुमार डेकालाई नियुक्त गरेको छ ।

प्रकाशित : असार १०, २०७९ १९:०२
प्रतिक्रिया
पठाउनुहोस्

शुक्लागण्डकी नगरपालिकाको बजेट १ अर्ब २२ करोड १६ लाख

सम्झना रसाइली

तनहुँ — जिल्लाको शुक्लागण्डकी नगरपालिकाले आर्थिक वर्ष २०७९/८० को लागि १ अर्ब २२ करोड १६ लाख ३१ हजार ८२० रुपैयाँको बजेट सार्वजनिक गरेको छ ।

नगर उपप्रमुख खुमबहादुर बिकले शुक्रबार ११औं नगरसभामा आगामी आर्थिक वर्षको नीति तथा कार्यक्रमसहित बजेट सार्वजनिक गरेका हुन् ।

प्रस्तुत बजेटमध्ये विषयगत बजेटतर्फ २४ करोड ९५ लाख ३१ हजार ८२०, ससर्त अनुदानतर्फ ४१ करोड ९ लाख, प्रदेश समपुरकतर्फ ७० लाख, वडागत सिलीङतर्फ ९ करोड ७६ लाख, सडक बोर्डतर्फ ६० लाख, गरिबसँग विश्वेसरतर्फ ६ लाख, सामाजिक सुरक्षातर्फ २५ करोड, चालुतर्फ १७ करोड र जनसहभागितातर्फ ३ करोड गरी १ अर्ब २२ करोड १६ लाख ३१ हजार ८२० रुपैयाँ सार्वजनिक गरिएको छ ।

प्रकाशित : असार १०, २०७९ १९:०१
पूरा पढ्नुहोस्
प्रतिक्रिया
पठाउनुहोस्
x
×