काठमाडौंमा भारी वर्षा, नदी किनारको यात्रामा सतर्कता अपनाउन आग्रह
काठमाडौँ — जल तथा मौसम विज्ञान विभागले शुक्रबार काठमाडौंका नदी किनारको यात्रामा सजगता अपनाउन आग्रह गरेको छ । पछिल्लो ४ घन्टामा काठमाडौं उपत्यकामा भारी वर्षा मापन भएको भन्दै विभागले उच्च सतर्कता अपनाउन आग्रह गरेको हो ।
नदीमा जलसतह बढ्दो क्रममा रहेकाले नदी किनारको बाटोमा यात्रा गर्दा उच्च सतर्कता अपनाउन आग्रह गरेको हो ।
'पछिल्लो ४ घण्टामा काठमाडौं उपत्यकाको धेरै स्थानमा भारी वर्षा मापन भएको छ । हनुमन्ते, मनोहरा, वाग्मती र यसका सहायक नदीमा जलसतह बढ्दो छ, नदी किनारको बाटो भई यात्रा गर्दा अर्को ३ घण्टा उच्च सतर्कता अपनाऔं ।'– विभागले भनेको छ ।
असार-१० विहान ६ बजे#Alert
— Nepal Flood Alert! नेपाल बाढी सूचना! (@DHM_FloodEWS) June 24, 2022
पछिल्लो ४ घण्टामा काठमाडौं उपत्यकाको धेरै स्थानमा भारी बर्षा मापन भएको छ । हनुमन्ते, मनोहरा, बागमती र यसका सहायक नदीमा जलसतह बढ्दो छ, नदी किनारको बाटो भई यात्रा गर्दा अर्को ३ घण्टा #उच्च सतर्कता अपनाऔ ।
विभागले शुक्रबार देशभरका धेरैजसो ठाउँमा हल्कादेखि मध्यम वर्षाको सम्भावना रहेको जनाएको छ ।
प्रकाशित : असार १०, २०७९ ०७:४४
