मूल्यवृद्धि विरुद्ध काठमाडौंमा प्रदर्शन- समाचार - कान्तिपुर समाचार
कान्तिपुर वेबसाईट
AdvertisementAdvertisement

मूल्यवृद्धि विरुद्ध काठमाडौंमा प्रदर्शन

कान्तिपुर संवाददाता

काठमाडौँ — नेकपा एमालेको भ्रातृ संगठन युवा संघले मूल्यवृद्धि विरुद्ध काठमाडौंमा प्रदर्शन गरेको छ । नेपाल आयल निगमले पेट्रोलियम पदार्थमा चर्को मूल्यवृद्धि गरेको विरोधमा बिहीबार बेलुकी युवा संघले बुद्ध नगरदेखि नयाँ बानेश्वरसम्म मसाल जुलुसहित प्रदर्शन गरेको हो ।

प्रदर्शनमा सहभागीले मूल्यवृद्धि फिर्ता गर, प्रधानमन्त्री राजीनामा दे लगायत नारा लगाएका थिए । पछिल्लो चरणमा भएको मूल्यवृद्धिअनुसार पेट्रोल प्रतिलिटर १ सय ९९ र डिजेल, मट्टितेल १ सय ९२ पुगेको छ । इन्धनको मूल्यवृद्धिसँगै खाद्यान्न, यातायातलगायत क्षेत्रमा पनि महँगी बढेको छ ।

प्रकाशित : असार ९, २०७९ १८:३४
प्रतिक्रिया
पठाउनुहोस्

नेपालगन्ज उपमहानगरले ल्यायो १ अर्ब ६३ करोड ६५ लाखको बजेट

रुपा गहतराज

नेपालगन्ज — बाँकेको नेपालगन्ज उपमहानगरपालिकाले आगामी आर्थिक वर्षका लागि १ अर्ब ६३ करोड ६५ लाख रुपैयाँको बजेट सार्वजनिक गरेको छ । 

उपमहानगरपालिकाको ११ औं नगरसभामा बिहीबार उपप्रमुख कमरुद्धिन राईले २०७९/८० का लागि १ अर्ब ६३ करोड ६५ लाख ७२ हजार ४ सय रुपैयाँको बजेट प्रस्तुत गरेका हुन् । बजेटमा भौतिक पूर्वाधार विकास, पर्यटन, शिक्षा र स्वास्थ्यलाई प्राथमिकता दिइएको छ ।

बजेट प्रस्तुत गर्नुअघि नगर प्रमुख प्रशान्त विष्टले २०७९/८० को वार्षिक नीति तथा कार्यक्रम प्रस्तुत गरेका थिए । नगर प्रमुख प्रशान्त विष्टले अल्पकालीन, मध्यकालीन र दीर्घकालीन सोचका साथ नगरको स्तरोन्नति हुने तथ्यलाई आत्मसाथ गर्दै वार्षिक नीति, कार्यक्रम तथा बजेट प्रस्तुत गरिएको बताए ।

सभामा सभाध्यक्ष विष्ट, उपप्रमुख राई, प्रमुख प्रशासकीय अधिकृत जगत बस्नेतसहित २३ वटै वडाबाट प्रतिनिधित्व गरेर १ सय १७ जना सहभागी थिए ।

प्रकाशित : असार ९, २०७९ १८:३४
पूरा पढ्नुहोस्
प्रतिक्रिया
पठाउनुहोस्
×