हैजा रोकथाम गर्नका लागि छानबिन समिति गठन- समाचार - कान्तिपुर समाचार
कान्तिपुर वेबसाईट
AdvertisementAdvertisement

हैजा रोकथाम गर्नका लागि छानबिन समिति गठन

कान्तिपुर संवाददाता

काठमाडौँ — हैजा रोकथाम तथा नियन्त्रणका लागि जिल्ला जनस्वास्थ्य काठमाडौँले छानबिन समिति गठन गरेको छ । स्वास्थ्य कार्यालय प्रमुख वसन्त अधिकारीको संयोजकत्वमा ६ सदस्यीय छानबिन टोली गठन गरिएको छ ।

टोलीमा प्रयोशगालाका प्रतिनिधि, जनस्वास्थ्यकर्मी, महानगरपालिकाको स्वास्थ्यकर्मी लगायतका सदस्यहरु रहेका छन् ।

अधिकारीले हैजा संक्रमणको कारक तत्व के हो भनेर जान्नको लागि टोली गठन गरिएको बताए । उनले खानेपानीमै समस्या हुनसक्ने भनेर प्रारम्भिक नतिजा आइसकेको र थप परीक्षणको नतिजाको लागि परिणाम कुरिरहेको जनाए ।

उनले भने–‘हामीले हैजा पुष्टि भएको ठाउँको नमुना संकलन गरिरहेका छौँ । कस्तो पानी तथा खानेकुरा खाइरहेका छन् जाँच गरिरहेका छौँ । बागबजारको केसमा उनीहरुले धाराको पानी सोझै खाने गरेको पाइयो । उक्त पानीमा दिसा मिसिएको भन्ने रिपार्टहरु आएको छ । पानीको कारणले नै हुनसक्ने देखिएको छ ।’

हालसम्म काठमाडौँमा ४ जनामा हैजाको संक्रमण पुष्टि भइसकेको छ। पुष्टि हुनेमा २ जना बागबजार, डिल्लीबजार र एक जना सानेपाका रहेका छन् । ‘संक्रमण फैलिरहेको हुन सक्छ । सबैले पानी उमालेर वा पानी शुद्धिकरण गरेर खानुहोला,’ उनले भने ।

उनले यस समयमा पानीको सप्लायरहरुले तथा जारकाे पानी बेच्नेले पनि सजग हुनुपर्छ र पानी राम्ररी प्रशोधन गरेर मात्र विक्रिवितरण गर्न आग्रह गरे ।


प्रकाशित : असार ८, २०७९ १६:४७
प्रतिक्रिया
पठाउनुहोस्

न्यायाधीश कोइरालालाई कार्यसम्पादनमा रोक लगाइयो

कान्तिपुर संवाददाता

काठमाडौँ — घूस लेनदेनको अडियो प्रकरणमा जोडिएका काठमाडौं जिल्ला अदालतका न्यायाधीश राजकुमार कोइरालालाई कार्यसम्पदानमा रोक लगाइएको छ ।

न्यायपरिषद्‍को बुधबार बसेको बैठकले उनीमाथि छानबिन प्रक्रिया पूरा नहुँदासम्म कुनै पनि कार्यसम्पादन गर्न नपाउने निर्णय गरेको हो ।

कोइराला र अधिवक्ता रुद्र पोखरेलबीच घुस लेनदेनको अडियो रेकर्ड सार्वजनिक भएपछि न्यायपरिषद्‍को बैठक बुधबार बसेको थियो । बैठकले उक्त प्रकरण छानबिनका लागि परिषद्‍का सदस्य रामप्रसाद श्रेष्ठको नेतृत्वमा तीन सदस्यीय छानबिन समिति गठन गरेको छ ।

समितिमा उच्च अदालत पाटनका कायम मुकायम मुख्य न्यायाधीश महेशप्रसाद पुडासैनी र न्यायाधीश महेश शर्मा पौडेल छन् । समितिलाई ४५ दिनभित्र छानबिन गरी प्रतिवेदन बुझाउनु पर्ने समयसीमा तोकिएको न्यायपरिषद् सचिवालयका प्रवक्ता मानबहादुर कार्कीले जानकारी दिए ।

न्यायाधीश राजकुमार कोइराला र अधिवक्ता रुद्र पोखरेलबीच व्यवसायी इच्छाराज तामाङलाई धरौटीमा छुटाउनका लागि घूस लेनदेनको अडियो वार्ता सार्वजनिक भएपछि बुधबार परिषद्‍को बैठक बसेको हो ।

काठमाडौं जिल्ला अदालतका न्यायाधीश कोइरालाले भने आफूले अनुचित कार्य नगरेको दाबी गरेका छन् । साथै उनले आफ्नाबारे सार्वजनिक भएको समाचारप्रति ध्यानाकर्षण भएको उल्लेख गरेका छन् ।

घटनाबारे न्यायपरिषद्‍बाट छानिबनको माग गर्दै उनले त्यसमा पूर्ण सहयोग गर्ने पनि बताएका छन् । न्यायाधीश कोइरालाले फेसबुकमा लेखेका छन्, 'मबारे आज आएको समाचारप्रति मेरो ध्यानाकर्षण भएको छ । मबाट कुनै अनुचित कार्य भएको छैन । विभिन्न प्रभाव र दबाबका बाबजुद निष्पक्ष भूमिका निर्वाह गरेको छु । ममाथि न्याय परिषद्‍बाट छानबिन होस् तथा सहयोग गर्ने पूर्ण प्रतिबद्धता व्यक्त गर्दछु ।'

'झ्याप्य्राक्कै २ जति लिउँ न !'

न्यायाधीश-वकिल घूस प्रकरणबारे श्रेष्ठको नेतृत्वमा छानबिन समिति


प्रकाशित : असार ८, २०७९ १६:४४
पूरा पढ्नुहोस्
प्रतिक्रिया
पठाउनुहोस्
×