न्यायपरिषद्‍को बैठक सुरु- समाचार - कान्तिपुर समाचार
कान्तिपुर वेबसाईट
AdvertisementAdvertisement
अडियो प्रकरण

न्यायपरिषद्‍को बैठक सुरु

प्रकरणमा मुछिएका जिल्ला न्यायाधीशबारे ठोस निर्णय लिन सक्ने
कान्तिपुर संवाददाता

काठमाडौँ — काठमाडौं जिल्ला अदालतका न्यायाधीश राजकुमार कोइराला र अधिवक्ता रुद्र पोखरेलबीच व्यवसायी इच्छाराज तामाङको मुद्दा मिलाउनका लागि भएको छलफलको अडियो बाहिरिएपछि त्यसबारे छलफल गर्न बोलाइएको न्यायपरिषद्‍को बैठक सुरु भएको छ ।

न्यायपरिषद्‍को बैठकमा कामु प्रधानन्यायाधीश दीपककुमार कार्की, सर्वोच्चका वरिष्ठतम न्यायाधीश हरिकृष्ण कार्की, कानुनमन्त्री गोविन्दप्रसाद शर्मा कोइरला र न्यायापरिषद्का सदस्यद्वय रामप्रसाद श्रेष्ठ र रामप्रसाद भण्डारी उपस्थित छन् ।

न्यायपरिषद्‍ बैठकमा अडियोमा नाम मुछिएका निलम्बित प्रधानन्यायाधीश चोलेन्द्र शम्शेर जबरा र काठमाडौं जिल्ला अदालतका न्यायाधीशहरू राजकुमार कोइराला र अम्बिकाप्रसाद निरौलाको भूमिकामाथि पनि छलफल हुने बताइएको छ ।

बैठकले जिल्ला न्यायाधीश कोइरालाका सम्बन्धमा भने ठोस निर्णय लिने जानकारी दिइएको छ ।

प्रकाशित : असार ८, २०७९ १४:५६
प्रतिक्रिया
पठाउनुहोस्

 निक्षेप संकलन र कर्जा विस्तारको वृद्धिमा नेपाल बैंक पहिलो

कान्तिपुर संवाददाता

काठमाडौँ — निक्षेप संकलन तथा कर्जा विस्तारको वृद्धिमा नेपाल बैंक सबैभन्दा अगाडि देखिएको छ । वाणिज्य बैंकहरुमध्ये निक्षेप संकलन वृद्धिको आधारमा नेपाल बैंक प्रथम स्थानमा छ । कर्जा विस्तार वृद्धिको आधारमा पनि नेपाल बैंक पहिलो स्थानमा देखिएको छ । जेठ महिनासम्म अर्थात चालु आर्थिक वर्षको ११ महिनामा नेपाल बैंकको निक्षेप २५.८५ प्रतिशतले वृद्धि भएको छ । कर्जा विस्तार ३२.०५ प्रतिशतले बढेको छ ।

वाणिज्य बैंकहरुमध्ये २१ वटा वाणिज्य बैंकहरुको निक्षेप बढेको छ भने ६ वटाको निक्षेपमा गिरावट भएको देखिन्छ । वाणिज्य बैंकहरुको औसत निक्षेप वृद्धिदर ७.३७ प्रतिशत रहेको छ । त्यसैगरी २७ वटै वाणिज्य बैंकहरुको कर्जा विस्तारमा वृद्धि भएको छ । औसतमा वाणिज्य बैंकहरुको कर्जा विस्तारमा १७.४९ प्रतिशतको वृद्धि भएको देखिन्छ । नेपाल अधिराज्यभर २१७ शाखाहरु, १७९ एटीएम मेसिनका साथै ४९ वटा एक्टेन्सन काउन्टर मार्फत बैंकले करिब २० लाख ग्राहकहरुलाई वित्तीय सेवा दिँदै आइरहेको छ ।

,


प्रकाशित : असार ८, २०७९ १४:५४
पूरा पढ्नुहोस्
प्रतिक्रिया
पठाउनुहोस्
×